ഡെറാഡൂണില്‍ അവധിക്കാലം ആഘോഷിക്കുകയാണ് ധോനിയുടെ മകള്‍ സിവ. ആഘോഷങ്ങള്‍ക്കിടയില്‍ പാട്ടുപാടി ആരാധകരെ കയ്യിലെടുക്കുകയാണ് സിവയിപ്പോള്‍. ഒരിടവേളയ്ക്ക് ശേഷം വീണ്ടും എത്തിയ സിവയുടെ മലയാളം പാട്ട് വൈറലായി കഴിഞ്ഞു.
മലയാളം വാക്കുകള്‍ ഉച്ചരിക്കാന്‍ പാടുപെട്ടാണ് സിവയുടെ പാട്ടെങ്കിലും ആരാധകര്‍ സിവയുടെ പാട്ട് ഏറ്റെടുത്തു കഴിഞ്ഞു. 51 സെക്കന്റുള്ള പാട്ട് സിങ്ങിങ് മോഡ് എന്ന ക്യാപ്ഷനോടെ സിവയുടെ ഇന്‍സ്റ്റഗ്രാം അക്കൗണ്ടില്‍ നിന്ന് തന്നെയാണ് പങ്കുവെച്ചത്.
അമ്പലപ്പുഴെ ഉണ്ണിക്കണ്ണനോട് നീ എന്ന പാട്ടുമായെല്ലാം എത്തി നേരത്തേയും സിവ ആരാധകരെ കീഴടക്കിയിരുന്നു. ആരാണ് സിവയെ ഈ മലയാളം പാട്ടെല്ലാം പഠിപ്പിക്കുന്നത് എന്ന ആരാധകരുടെ ചോദ്യത്തിന് പക്ഷേ ഇതുവരെ ഉത്തരമായിട്ടില്ല. ധോനിയുടെ വീട്ടില്‍ സിവയെ പരിപാലിക്കുന്ന ജീവനക്കാരാവും ഇതിനെ പിന്നിലെന്നാണ് സൂചന.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ