കൊച്ചി: കേരള ബ്ലാസ്റ്റേഴ്സ് ആരാധകക്കൂട്ടായ്മയായ മഞ്ഞപ്പടക്കെതിരെ പരാതിയമായി സി കെ വിനീത്. മഞ്ഞപ്പട തനിക്കെതിരെ വ്യാജ പ്രചാരണം നടത്തുന്നെന്നും ബോൾ ബോയിയെ അസഭ്യം പറഞ്ഞുവെന്ന് ആരാധകർ കള്ളം പ്രചരിപ്പിക്കുന്നെന്നും വിനീത് പറഞ്ഞു. മഞ്ഞപ്പടയിലെ ചില ഭാരവാഹികളാണ് ഇതിന് പിന്നിലെന്നും താരം ആരോപിച്ചു.
ഇതുമായി ബന്ധപ്പെട്ട് വിനീത് പൊലീസിൽ പരാതി നൽകി. 'ആൾകൂട്ട ആക്രമണത്തിന് സമാനമായ അവസ്ഥയാണ് നിലവില്‍ ഞാൻ നേരിടുന്നത്. എന്‍റെ കരിയർ നശിപ്പിക്കാനുള്ള നീക്കമാണിത്. ഇനി സഹിക്കാനാവില്ല അതുകൊണ്ടാണ് പൊലീസില്‍ പരാതി നല്‍കുന്നത്', വിനീത് പറഞ്ഞു.
ബ്ലാസ്റ്റേഴ്സ് മുൻ മുന്നേറ്റതാരവും ഇപ്പോൾ ചെന്നൈയിൻ ടീമംഗവുമാണ് വിനീത്. കണക്കിൽ മാത്രമാണ് മഞ്ഞപ്പട മുന്നിലെന്നും കളിക്കാരോടുള്ള സമീപനത്തിൽ മഞ്ഞപ്പട പിന്നിലാണെന്നും അദ്ദേഹം പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ