ബെലൊ ഹോറിസോണ്ട: കോപ്പ അമേരിക്ക ടൂര്‍ണമെന്റിലെ ആദ്യസെമിയില്‍ അര്‍ജന്റീനയ്‌ക്കെതിരെ ബ്രസീൽ ഒരു ഗോളിന് മുന്നില്‍. ആദ്യ പകുതി അവസാനിച്ചപ്പോൾ മറുപടി ​ഗോൾ നേടാനാകാതെ പൊരുതുകയാണ്‌ അർജന്റീന. തുടക്കം മുതല്‍ ആക്രമിച്ച് കളിച്ച ബ്രസീൽ 19-ാം  മിനിറ്റിലാണ്  ആദ്യ ​ഗോൾ നേടിയത്.

ഗബ്രിയേല്‍ ജീസസ് ആണ് ​ഗോൾ വല കുലുക്കിയത്. ഫെർമിനോ നൽകിയ പാസ് ജീസസ് വലയിലെത്തിക്കുകയായിരുന്നു. അതേസമയം പ്രതിരോധിച്ച് കളിച്ച അർജന്റീനയുടെ ​ഗോൾ ശ്രമങ്ങളൊന്നും ഫലം കണ്ടില്ല. മെസിയുടെ ഒരു ഫ്രീ കിക്ക് ക്രോസ്ബാറിൽ തട്ടി പുറത്തേക്ക് പോയി. 

പരഗ്വയെ 4-3ന് തോല്‍പ്പിച്ചാണ് ബ്രസീല്‍ സെമി ഫൈനലില്‍ എത്തിയത്. വെനസ്വെലയെ കീഴടക്കിയായിരുന്നു അർജന്റീനയുടെ സെമി പ്രവേശനം. 
 2-0ത്തിനായിരുന്നു അര്‍ജന്റീനയുടെ വിജയം.