കളിക്കളത്തില്‍ നിന്നുമുള്ള ഇടവേളയിലാണ് ഇന്ത്യന്‍ നായകന്‍ വിരാട് കോഹ് ലി. ബംഗ്ലാദേശിനെതിരായ ട്വന്റി20 പരമ്പരയില്‍ കോഹ് ലിക്ക് വിശ്രമം അനുവദിച്ചിരുന്നു. ഈ സമയം പെര്‍ഫക്ട് കവര്‍ ഡ്രൈവുകള്‍ നല്‍കുന്ന സന്തോഷത്തെ കുറിച്ച് പറഞ്ഞാണ് കോഹ് ലി ആരാധകര്‍ക്കടുത്തേക്ക് എത്തിയത്.
ഇങ്ങനെയൊരു നല്ല കവര്‍ ഡ്രൈവിനേക്കാള്‍ വലിയ ചികിത്സയില്ലെന്ന വാക്കുകളോടെയാണ് കോഹ് ലി ഫോട്ടോ പങ്കുവെച്ചത്. കോഹ് ലിയുടെ ഈ ട്വീറ്റ് അപ്രതീക്ഷതമായൊരാളും പങ്കുവെച്ചു. ഞാനത് അനുഭവിച്ചറിയുന്നു
എന്ന് പറഞ്ഞ് ബോളുവുഡ് താരം ഷാഹിദ് കപൂറാണ് കോഹ് ലിയുടെ ട്വീറ്റ് റീട്വീറ്റ് ചെയ്തത്.
നെറ്റ്‌സില്‍ പരിശീലനം നടത്തി ഷാഹിദ് ക്രിക്കറ്റ്, ബോളിവുഡ് പ്രേമികളെ കൗതുകത്തിലാക്കിയതിന് പിന്നാലെയാണ് താരം കോഹ് ലിയുടെ ട്വീറ്റും പങ്കുവെച്ചത്. തെലുങ്ക് സിനിമയായ ജേഴ്‌സിയുടെ ബോളിവുഡ് റീമേക്കിന് വേണ്ടിയാണ് ഷാഹിദ് ബാറ്റിങ് പരിശീലനം നടത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ