ലണ്ടൻ: ഒളിംപിക്സിൽ ഇനി ബ്രേക്ക് ഡാൻസും. ബ്രേക്ക് ഡാൻസിനെ ഒളിമ്പിക്സിലെ ഔദ്യോഗിക ഇനമാക്കുന്നു. 2024ലെ പാരിസ് ഒളിംപിക്സിൽ ബ്രേക്ക് ഡാൻസ് മെഡലുള്ള മത്സര ഇനമായിരിക്കുമെന്ന് അന്താരാഷ്ട്ര ഒളിമ്പിക് കമ്മിറ്റി വ്യക്തമാക്കി. 

സ്കേറ്റ് ബോർഡിംഗ്, സ്പോർട്ട് ക്ലൈംബിംഗ്, സർഫിംഗ് എന്നീ ഇനങ്ങൾ ടോക്യോ ഒളിമ്പിക്സിൽ ഉൾപ്പെടുത്തിയിരുന്നു. ഇത് പാരിസ് ഒളിമ്പിക്സിലും തുടരും. 329 ഇനങ്ങളിലായി 10500 കായിക താരങ്ങളാകും പാരിസ് ഒളിമ്പിക്സിലുണ്ടാകുക. പുരുഷ വനിത കായിക താരങ്ങളുടെ എണ്ണം തുല്യമായിരിക്കും.