വെല്ലുവിളികള്‍ ഏറ്റെടുത്ത് ലീഗ് മാറി കൊണ്ടിരിക്കുമ്പോഴും ഗോള്‍ വല കുലുക്കുന്നതില്‍ പിശുക്കാതെ ക്രിസ്റ്റ്യാനോ. ഇംഗ്ലീഷ് പ്രീമിയര്‍ ലീഗ്, ഇറ്റാലിയന്‍, സ്പാനിഷ് ലീഗുകളില്‍ 50 ഗോളുകള്‍ സ്‌കോര്‍ ചെയ്യുന്ന ഒരേയൊരു താരമായി ക്രിസ്റ്റിയാനോ.
സിരി എയില്‍ അതിവേഗത്തില്‍ 50 ഗോളുകള്‍ തികക്കുന്ന താരമാണ് ക്രിസ്റ്റിയാനോ. 61 മത്സരങ്ങളാണ് ക്രിസ്റ്റിയാനോയ്ക്ക് ഇതിനായി വേണ്ടിവന്നത്. ഒരു സീരി എ സീസണില്‍ 30 ഗോളുകള്‍ നേടുന്ന ആദ്യ യുവന്റ്‌സ് താരവുമാണ് ക്രിസ്റ്റിയാനോ.
തിങ്കളാഴ്‌സ ലാസിയോക്കെതിരെ രണ്ട് വട്ടം ഗോള്‍ വല കുലുക്കിയതോടെയാണ് നേട്ടങ്ങളിലേക്ക് ക്രിസ്റ്റിയാനോ എത്തിയത്. സീസണില്‍ 30 ഗോളുകള്‍ തികയ്ക്കുന്ന സീരി എയിലെ അഞ്ചാമത്തെ മാത്രം താരവുമാണ് ക്രിസ്റ്റിയാനോ.
സിരി എയില്‍ ഒരു സീസണില്‍ പെനാല്‍റ്റിയിലൂടെ ഏറ്റവും കൂടുതല്‍ ഗോള്‍ നേടുന്ന താരം എന്ന റെക്കോര്‍ഡും ക്രിസ്റ്റിയാനോ സ്വന്തമാക്കി. 12 വട്ടമാണ് സീസണില്‍ പെനാല്‍റ്റിയിലൂടെ ക്രിസ്റ്റ്യാനോ വല കുലുക്കിയത്. 2020ല്‍ 20 ലീഗ് ഗോള്‍ നേടിയ ഒരേയൊരു താരവുമാണ് ക്രിസ്റ്റിയാനോ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ