ആരുടെ പുള്‍ ഷോട്ടാണ് മികച്ചത്? കോവിഡ് 19 കളിക്കളം കീഴടക്കുമ്പോള്‍ ഗ്രൗണ്ടിലെ ഓര്‍മകളിലേക്ക് ആരാധകരെ കൂട്ടിക്കൊണ്ടു പോവുകയാണ് ഐസിസി. ആരുടെ പുള്‍ ഷോട്ടാണ് മികച്ചത് എന്നാണ് ആരാധകരോടുള്ള ഐസിസിസിയുടെ ചോദ്യം.
കളിക്കളം വിട്ടതിലും, നിലവില്‍ കളിക്കുന്നവരിലും വെച്ച് മികച്ച പുള്‍ ഷോട്ട് ഇവരില്‍ ആരുടേതാണ് എന്നാണ് ഐസിസിയുടെ ചോദ്യം. വിവ് റിച്ചാര്‍ഡ്‌സ്, റിക്കി പോണ്ടിങ്, വിരാട് കോഹ് ലി, ഗിബ്‌സ് എന്നിവരുടെ ഫോട്ടോയാണ് ഐസിസി ഒപ്പം നല്‍കിയിരിക്കുന്നത്.
ഐസിസിയുടെ ചോദ്യത്തിന് മറുപടിയുമായി ഇംഗ്ലണ്ട് മുന്‍ താരം കെവിന്‍ പീറ്റേഴ്‌സണെത്തി. ഐസിസി മുന്‍പില്‍ വെച്ച നാല് കളിക്കാരിലേക്കുമല്ല പീറ്റേഴ്സന് വിരല്‍ ചൂണ്ടിയത്. സൗത്ത് ആഫ്രിക്കന്‍ മുന്‍ താരം ആന്‍ഡ്ര്യൂ ഹഡ്‌സന്റെ പുള്‍ ഷോട്ടാണ് പീറ്റേഴ്സന് പ്രിയപ്പെട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ