ജേഴ്‌സിയും, ഓട്ടോഗ്രാഫും ഒന്നുമല്ല. ഇന്ത്യന്‍ ഫുട്‌ബോള്‍ താരം സുനില്‍ ഛേത്രിയോട്‌ ലോക്ക്‌ഡൗണ്‍ കഴിയുന്നത്‌ വരെ നെറ്റ്ഫ്ളിക്സ് യൂസര്‍ ഐഡിയും, പാസ്‌ വേര്‍ഡും പങ്കുവെക്കാനാണ്‌ ആരാധകരിലൊരാള്‍ ട്വിറ്ററിലൂടെ ആവശ്യപ്പെട്ടത്‌. നെറ്റ്‌ഫ്‌ളിക്‌സിനെ കൊണ്ട്‌ ഫ്രീ സബ്‌സ്‌ക്രിപ്‌ഷന്‍ നല്‍കിച്ചാണ്‌ ഛേത്രി ആരാധകനെ മടക്കിയത്‌.
ട്വിറ്ററില്‍ ആരാധകരെ കൗതുകത്തിലാക്കിയായിരുന്നു ഛേത്രിയുടെ ട്വീറ്റ്‌. ഓട്ടോഗ്രാഫും, ജേഴ്‌സിയും, പോസ്‌റ്റിന്‌ റിപ്ലേയും ഒന്നുമല്ല. അവന്‌ വേണ്ട ആവശ്യം നേരെ ചോദിച്ചിരിക്കുകയാണ്‌. അതുകൊണ്ട്‌ ഈ ആവശ്യം പരിഗണിക്കണം എന്ന്‌ തോന്നുകയാണ്‌ എനിക്ക്‌. ആരാധകന്റെ മെസേജ്‌ പങ്കുവെച്ച്‌ കൊണ്ട്‌ ഛേത്രി ട്വീറ്റ്‌ ചെയ്‌തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ