പനാജി: ഐഎസ്എല്‍ ഏഴാം സീസണിലെ ആദ്യ ഗോള്‍ റോയ് കൃഷ്ണയുടെ ബൂട്ടില്‍ നിന്ന്. കേരള ബ്ലാസ്‌റ്റേഴ്‌സിനെതിരായ ഉദ്ഘാടന പോരാട്ടത്തിന്റെ 67ാം മിനുട്ടിലാണ് എടികെ മോഹൻ ബഗാൻ ലീഡ് സ്വന്തമാക്കിയത്.
ഏഴാം പതിപ്പിലെ ആദ്യ പോരാട്ടത്തിന്റെ ഒന്നാം പകുതിയില്‍ കേരള ബ്ലാസ്റ്റേഴ്സും എടികെ മോഹന്‍ ബഗാനും ഗോളടിക്കാതെ പിരിഞ്ഞിരുന്നു. പുതിയ പരിശീലകന്റെ കീഴില്‍ മികച്ച കളിയാണ് ബ്ലാസ്റ്റേഴ്സ് ആദ്യ പകുതിയില്‍ പുറത്തെടുത്തത്. അടിമുടിയുള്ള ടീമിന്റെ മാറ്റം കളത്തില്‍ പ്രകടമാണ്.
പന്തടക്കത്തിലും പാസിങിലും ആദ്യ പകുതിയില്‍ ബ്ലാസ്റ്റേഴ്സ് മുന്നിട്ടു നിന്നു. ഗോളവസരങ്ങള്‍ സൃഷ്ടിക്കുന്നതില്‍ ബ്ലാസ്റ്റേഴ്സ് വിജയിച്ചെങ്കിലും അതൊന്നും ഫിനിഷ് ചെയ്യാന്‍ സാധിക്കാതെ പോയി. ബ്ലാസ്റ്റേഴ്‌സിന്റെ ഹോം ഗ്രൗണ്ടായ ബംബോലിം സ്റ്റേഡിയത്തിലാണ് മത്സരം നടന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ