ന്യൂഡല്‍ഹി: പിതാവിന്റെ വിയോഗത്തിന്റെ വേദനയില്‍ നില്‍ക്കുമ്പോഴും നാട്ടിലേക്ക് മടങ്ങാതെ ദേശീയ ടീമിനൊപ്പം തുടരാനാണ് ഫാസ്റ്റ് ബൗളര്‍ മുഹമ്മദ് സിറാജ് താത്പര്യം പ്രകടിപ്പിച്ചതെന്ന് ബിസിസിഐ. സിറാജിന്റേയും കുടുംബത്തിന്റേയും സ്വകാര്യത മാനിക്കണം എന്നും പ്രസ്താവനയില്‍ ബിസിസിഐ ആവശ്യപ്പെടുന്നു.
നാട്ടിലേക്ക് മടങ്ങാന്‍ സൗകര്യം ഒരുക്കാമെന്ന് സിറാജിനെ അറിയിച്ചിരുന്നു. എന്നാല്‍ ഓസ്‌ട്രേലിയയില്‍ ടീമിനൊപ്പം തുടരാനാണ് സിറാജ് താത്പര്യപ്പെട്ടത്. ഈ പ്രതിസന്ധി ഘട്ടത്തില്‍ സിറാജിനും കുടുംബത്തിനുമൊപ്പം നില്‍ക്കുന്നതായും ബിസിസിഐ പറഞ്ഞു.
നേരത്തെ സിറാജിന്റെ പിതാവിന്റെ വിയോഗത്തില്‍ ബിസിസിഐ പ്രസിഡന്റ് സൗരവ് ഗാംഗുലിയും അനുശോചിച്ചിരുന്നു. മുഹമ്മദ് സിറാജിന്റേത് അത്ഭുതപ്പെടുത്തുന്ന വ്യക്തിത്വമാണെന്നും ഗാംഗുലി ഫറഞ്ഞു. ഏറെ നാളായി ശ്വാസകോശ സംബന്ധമായ അസുഖങ്ങളെ തുടര്‍ന്ന് ചികിത്സയിലായിരുന്നു സിറാജിന്റെ പിതാവ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ