ജനീവ: മെസി-ക്രിസ്റ്റ്യാനോ പോരിനായി കാത്തിരിക്കുന്നവരെ സന്തോഷിപ്പിച്ച് ചാമ്പ്യന്‍സ് ലീഗ് ഡ്രോ. ബാഴ്‌സയും യുവന്റ്‌സും ഒരേ ഗ്രൂപ്പില്‍ വന്നതോടെയാണ് ഫുട്‌ബോള്‍ ലോകത്തെ ആവേശത്തിലാഴ്ത്തുന്ന വാര്‍ത്ത വരുന്നത്.
ഇത് ആദ്യമായാണ് യുവന്റ്‌സും ബാഴ്‌സയും ഒരേ ഗ്രൂപ്പില്‍ വരുന്നത്. ഗ്രൂപ്പ് ജിയില്‍ ബാഴ്‌സ, യുവന്റ്‌സ് എന്നിവരെ കൂടാതെ ഡൈനാമോ കിയവ്, ഫെറെന്‍ഷാരോസ് എന്നീ ടീമുകളാണ് ഉള്ളത്. ക്രിസ്റ്റിയാനോ ലാ ലീഗ വിട്ടതിന് ശേഷം ആദ്യമായാണ് സൂപ്പര്‍ താരങ്ങള്‍ നേര്‍ക്കുനേര്‍ വരുന്നത്.
നിലവിലെ ചാമ്പ്യന്മാരായ ബയേണ്‍ എ ഗ്രൂപ്പില്‍ അത്‌ലറ്റിക്കോ മാഡ്രിഡിനും, സാല്‍സ്ബര്‍ഗിനും, ലോകോമോട്ടീവ് മോസ്‌കോയ്ക്കും ഒപ്പം എ ഗ്രൂപ്പിലാണ്. ഗ്രൂപ്പ് ഘട്ടം കടക്കാന്‍ പ്രയാസപ്പെടുക മാഞ്ചസ്റ്റര്‍ യുനൈറ്റഡാണ്. പിഎസ്ജി, ആര്‍ബി ലീപ്സിഷ്, ഇസ്താംബൂള്‍ ബസാക്‌സെഹിര്‍ എന്നിവരാണ് ഗ്രൂപ്പ് എച്ചില്‍ മാഞ്ചസ്റ്റര്‍ യുനൈറ്റഡിന് ഒപ്പമുള്ളത്.
ഗ്രൂപ്പ് എ: അത്ലറ്റികോ മഡ്രിഡ്, ബയേൺ മ്യൂണിക്, ലോകോമോട്ടീവ് മോസ്കോ, സാൽസ്ബർഗ്,
ഗ്രൂപ്പ് ബി: റയൽ മഡ്രിഡ്, ഇൻറർ മിലാൻ, ഷാക്തർ, ബൊറൂസിയ മോൺചെൻഗ്ലാഡ്ബാബാഹ്
ഗ്രൂപ്പ് ഡി: അയാക്സ്, ലിവർപൂൾ, അറ്റ്ലാൻറ്, മിഡ്റ്റിലാൻഡ്.
ഗ്രൂപ്പ് ഇ: ചെൽസി, സെവിയ്യ, റെനെ, എഫ്.കെ ക്രാസ്നോഡർ,
ഗ്രൂപ്പ് എഫ്: ബൊറൂസിയ ഡോർട്ട്മുണ്ട്, സെനിത് സെൻറ് പീറ്റേഴ്സ്ബർഗ്, ബ്രൂഗെ, ലാസിയോ,
ഗ്രൂപ്പ് ജി: യുവൻറസ്, ബാഴ്സലോണ, ഡൈനാമോ കിയവ്, ഫെറെൻഷാരോസ്
ഗ്രൂപ്പ് എച്ച്: പിഎസ്ജി, മാഞ്ചസ്റ്റർ യുണൈറ്റഡ്, ആർബി ലീപ്സിഷ്, ഇസ്തംബൂൾ ബസാക്സെഹിർ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ