ന്യൂഡൽഹി: രാജ്യത്ത് കോവിഡ് രോ​ഗവ്യാപനം രൂക്ഷമായതോടെ പ്രതിസന്ധിയിലായവർക്ക് സഹായമെത്തിക്കാൻ 7.5 കോടി രൂപ സമാഹരിച്ച് ഐപിഎൽ ഫ്രാഞ്ചൈസിയായ രാജസ്ഥാൻ റോയൽസ്. ടീം അം​ഗങ്ങളും ഫ്രാഞ്ചൈസി ഉടമകളും ചേർന്നാണ് തുക സമാഹരിച്ചതെന്ന് രാജസ്ഥാൻ റോയൽസ്  പറയുന്നു. 

ബ്രിട്ടീഷ് ഏഷ്യൻ ട്രസ്റ്റ്, റോയൽ രാജസ്ഥാൻ ഫൗണ്ടേഷൻ എന്നിവരുമായി ചേർന്നാണ് 7.5 കോടി രൂപ സമാഹരിച്ചതെന്ന് ഫ്രാഞ്ചൈസിയുടെ പ്രസ്താവനയിൽ പറയുന്നു. ഈ തുക ഇന്ത്യയിൽ ഉടനീളമുള്ള ആവശ്യക്കാരിലേക്ക് എത്തിക്കാൻ ശ്രമിക്കും. എന്നാൽ രാജസ്ഥാനായിരിക്കും പ്രഥമ പരി​ഗണന. 

ഏതാനും ദിവസം മുൻപ് കൊൽക്കത്തയുടെ ഓസീസ് പേസർ 50000 ഡോളർ ഓക്സിജൻ എത്തിക്കാനായി പിഎം കെയേഴ്സ് ഫണ്ടിലേക്ക് നൽകിയിരുന്നു. ഓസീസ് മുൻ പേസർ ബ്രെറ്റ് ലീയും സഹായഹസ്തവുമായി എത്തിയിരുന്നു.