കൊളംബോ: ശ്രീലങ്കക്കെതിരായ പരമ്പരക്ക് മുന്‍പുള്ള ഇന്‍ട്രാ സ്‌ക്വാഡ് മത്സരത്തില്‍ തിളങ്ങി യുവതാരം പൃഥ്വി ഷാ. വേഗത്തില്‍ അര്‍ധ ശതകം പിന്നിട്ടാണ് പൃഥ്വി ഷാ മിന്നും ബാറ്റിങ്ങുമായി നിറഞ്ഞത്.
ഭുവനേശ്വര്‍ കുമാര്‍, ചേതന്‍ സക്കറിയ, ഹര്‍ദിക് പാണ്ഡ്യ, ചഹല്‍, കുല്‍ദീപ് യാദവ് എന്നീ ബൗളര്‍മാരെയെല്ലാം പ്രഹരിച്ചാണ് പൃഥ്വി ഷാ നിറഞ്ഞത്. കുല്‍ദീപിനെ ബൗണ്ടറി കടത്തിയായിരുന്നു അര്‍ധ ശതകം.
മുന്‍പിലേക്ക് എത്തുന്ന അവസരങ്ങളെ ഇരുകയ്യും നീട്ടി സ്വീകരിക്കുകയാണ് താന്‍ ചെയ്യുന്നത് എന്ന് പൃഥ്വി ഷാ പറഞ്ഞു. ഇന്ത്യക്ക് വേണ്ടി തനിക്ക് പരമ്പര ജയിക്കണം എന്നും പൃഥ്വി ഷാ പറഞ്ഞു.
ശ്രീലങ്കയില്‍ ധവാനൊപ്പം ആരാവും ഇന്നിങ്‌സ് ഓപ്പണ്‍ ചെയ്യുക എന്ന ചോദ്യം ഉയരുന്നുണ്ട്. ദേവ്ദത്ത് പടിക്കല്‍ ടീമിലുള്ളതാണ് പൃഥ്വി ഷായ്ക്ക് ഭീഷണി. എന്നാല്‍ ഇന്‍ട്രാ സ്‌ക്വാഡ് മത്സരത്തില്‍ പുറത്തെടുത്ത മികവ് ഉള്‍പ്പെടെ പൃഥ്വി ഷായ്ക്ക് ഇവിടെ തുണയാവും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ