കോപ്പ അമേരിക്കയില്‍ ഗ്രൂപ്പ് എ പോരാട്ടത്തില്‍ ഇക്വഡോറിനെതിരെ സമനില നേടി വെനസ്വേല. ഇന്‍ജുറി ടൈമില്‍ നേടിയ ഗോളിലൂടെയാണ് ഇക്വഡോർ സമനിലയില്‍ പിടിച്ചത്. മത്സരത്തിൽ ഇരു ടീമുകളും രണ്ടു ഗോളുകള്‍ വീതം നേടി.
കളി തുടങ്ങി 39-ാം മിനിറ്റില്‍ ഇക്വഡോറാണ് ആദ്യം ഗോൾ അടിച്ചത്. അയര്‍ടണ്‍ പ്രെസിയാഡോയിലൂടെയായിരുന്നു ഗോൾ പിറന്നത്. പിന്നീട് 51-ാം മിനിറ്റില്‍ വെനസ്വേലയുടെ എഡ്‌സണ്‍ കാസ്റ്റില്ലോ ഗോള്‍ വീഴ്ത്തി. 71-ാം മിനിറ്റില്‍ ഗോണ്‍സാലോ പ്ലാറ്റയുടെ ഒറ്റയാൻ മുന്നേട്ടം ഇക്വഡോറിനെ രണ്ടാം ഗോളിലെത്തിച്ചു. വിജയമുറപ്പിച്ച് നില്‍ക്കേയാണ് ഇന്‍ജുറി ടൈമിന്റെ ആദ്യ മിനിറ്റില്‍ വെനസ്വേല സമനില ഗോള്‍ നേടിയത്. റൊണാള്‍ഡ് ഹെര്‍ണാണ്ടസയാണ് ഗോളടിച്ചത്. ഇതോടെ ഗ്രൂപ്പില്‍ വെനസ്വേല മൂന്നാം സ്ഥാനത്തേക്കുയര്‍ന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ