മഡ്ഗാവ്: ഇന്ത്യൻ സൂപ്പർ ലീഗ് ഫുട്‌ബോളിന്റെ ഫൈനൽ മത്സരത്തിനിടെ മുംബൈ സിറ്റി എഫ്സി പ്രതിരോധ താരം അമേയ് റണവഡെയ്ക്ക് ഗുരുതര പരിക്ക്. എടികെ മോഹൻ ബഗാൻ മുന്നേറ്റ താരം റോയ് കൃഷ്ണയുമായി കൂട്ടിയിടിച്ച് താരം ഗ്രൗണ്ടിൽ വീണു. തെറിച്ചു വീണ റണവഡെയ്ക്ക് പെട്ടന്ന് ശ്വാസ തടസം നേരിട്ടു. ഫൈനൽ മത്സരത്തിന്റെ ആദ്യ പകുതിയിലാണ് താരത്തിന് പരിക്കേറ്റത്.
ഉടൻ തന്നെ മെഡിക്കൽ സംഘം താരത്തിനടുത്തേക്ക് പാഞ്ഞെത്തി പ്രഥമ ശുശ്രൂഷകൾ നൽകി. റണവഡെയുടെ പരിക്ക് വലിയ ഞെട്ടലാണ് താരങ്ങൾക്കും മറ്റുള്ളവർക്കും നൽകിയത്.
ശ്വാസം കിട്ടാതെ ഗ്രൗണ്ടിൽ പിടഞ്ഞ റണവഡെയുടെ കാഴ്ച കണ്ട് ഏവരും കണ്ണീരണിഞ്ഞു. അധികസമയം പാഴാക്കാതെ പ്രാഥമിക ശുശ്രൂഷകൾ നൽകി താരത്തെ ഡോക്ടർമാർ വിദഗ്ധ ചികിത്സയ്ക്ക് വേണ്ടി ആശുപത്രിയിലേക്ക് കൊണ്ടുപോയി. ആദ്യ പകുതിയുടെ അവസാന മിനിറ്റിലാണ് താരങ്ങൾ കൂട്ടിയിടിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ