ക്രൈസ്റ്റ്ചര്‍ച്ച്: സ്വവര്‍ഗാനിരാഗിയാണെന്ന വെളിപ്പെടുത്തലുമായി ന്യൂസിലന്‍ഡ് മുന്‍ പേസര്‍ ഹീത്ത് ഡേവിസ്. സ്വവര്‍ഗാനുരാഗിയാണെന്ന് വെളിപ്പെടുത്തുന്ന ന്യൂസിലന്‍ഡ് ക്രിക്കറ്റ് ടീമിലെ ആദ്യ താരമാണ് ഹീത്ത്.
ഇംഗ്ലണ്ട് വിക്കറ്റ് കീപ്പര്‍ സ്റ്റീവന്‍ ഡേവിസ് ആണ് സ്വവര്‍ഗാനുരാഗിയാണ് താനെന്ന് വെളിപ്പെടുത്തി ആദ്യമെത്തിയ രാജ്യാന്തര ക്രിക്കറ്റ് താരം. 2011ലായിരുന്നു അത്. ഓക് ലന്‍ഡ് ക്രിക്കറ്റിലെ എല്ലാവര്‍ക്കും താന്‍ സ്വവര്‍ഗാനുരാഗിയാണ് എന്ന് അറിയാമായിരുന്നതായി ഹീത്ത് ഡേവിസ് പറയുന്നു.
ടെസ്റ്റില്‍ 17 വിക്കറ്റും ഏകദിനത്തില്‍ 11 വിക്കറ്റും നേടി
എന്റെ ജീവിതത്തില്‍ ഞാന്‍ ഒളിച്ചുവെച്ചിരുന്ന ഒരു ഭാഗമാണ് ഇത്. ഉള്ളില്‍ ഒതുക്കി വെച്ചിരിക്കുകയായിരുന്നു. സ്വവര്‍ഗാനുരാഗിയുടെ ജീവിതമാണ് എന്റേത്. അത് ഉള്ളിലൊതുക്കി വെച്ച് എനിക്ക് വയ്യാതായിരിക്കുന്നു. ഓക് ലന്‍ഡ് ടീമിലെ എല്ലാവര്‍ക്കും ഞാന്‍ സ്വവര്‍ഗാനുരാഗിയാണെന്ന് അറിയാം. അവര്‍ക്കതൊരു പ്രശ്‌നമായിരുന്നില്ല എന്നും കിവീസ് മുന്‍ പേസര്‍ പറയുന്നു.
5 ടെസ്റ്റും 11 ഏകദിനവുമാണ് കിവീസ് ടീമില്‍ ഹീത്ത് കളിച്ചത്. 1994 മുതല്‍ 1997 വരെയുള്ള സമയമാണ് ഇത്. ടെസ്റ്റില്‍ 17 വിക്കറ്റും ഏകദിനത്തില്‍ 11 വിക്കറ്റും നേടി. പരിക്കും സ്ഥിരതയില്ലായ്മയുമാണ് രാജ്യാന്തര ക്രിക്കറ്റില്‍ ഹീത്തിന് തിരിച്ചടിയായത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ