ജക്കാര്‍ത്ത: ഏഷ്യാ കപ്പ് ഹോക്കിയില്‍ ഇന്ത്യക്ക് വെങ്കലം. വെങ്കല പോരിനുള്ള മത്സരത്തില്‍ ജപ്പാനെയാണ് ഇന്ത്യ തോല്‍പ്പിച്ചത്. എതിരില്ലാത്ത ഒരു ഗോളിനാണ് ഇന്ത്യയുടെ ജയം.
17ാം റാങ്കുകാരായ ജപ്പാന് എതിരെ രാജ്കുമാര്‍ ആണ് ഇന്ത്യക്ക് വേണ്ടി സ്‌കോര്‍ ചെയ്തത്. നേരത്തെ ഇന്ത്യ ഫൈനല്‍ കാണാതെ പുറത്തായിരുന്നു. കൊറിയയോട് 4-4ന്റെ സമനില വഴങ്ങിയതോടെ പൂള്‍ ടേബിളിലെ ഗോള്‍ ശരാശരിയാണ് ഇന്ത്യക്ക് തിരിച്ചടിയായത്. വെങ്കലപ്പോരില്‍ ജപ്പാന് എതിരെ ആദ്യ ക്വാര്‍ട്ടറില്‍ തന്നെ ഇന്ത്യ ലീഡ് എടുത്തു.
ലീഡ് എടുത്തതിന് പിന്നാലെ ജപ്പാന്റെ ആക്രമങ്ങളെ ചെറുക്കുന്നതിലേക്കാണ് ഇന്ത്യ ശ്രദ്ധ കൊടുത്തത്. പന്ത് കൈവശം വെച്ച് കളിയുടെ നിയന്ത്രണം കൊറിയയുടെ കൈവശമായിരുന്നെങ്കിലും ഇന്ത്യന്‍ പ്രതിരോധത്തെ മറികടക്കാന്‍ കഴിഞ്ഞില്ല.
ഈ വാർത്ത കൂടി വായിക്കാം
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ