ഭോപ്പാൽ: ഈ മാസം അവസാനം തുടങ്ങുന്ന ഖേലോ ഇന്ത്യ യൂത്ത് ​ഗെയിംസിൽ പങ്കെടുക്കുന്ന കായിക താരങ്ങൾക്കായി മൊബൈൽ ആപ്ലിക്കേഷൻ. കായിക മന്ത്രാലയമാണ് ആപ്ലിക്കേഷൻ പുറത്തറിക്കിയത്. ഈ മാസം 30 മുതൽ ഫെബ്രുവരി 11 വരെ ഭോപ്പാലിലാണ് ഗെയിംസ് നടക്കുന്നത്.

ഒറ്റ ക്ലിക്കിൽ ​ഗെയിംസ് സംബന്ധിച്ച എല്ലാ വിവരങ്ങളും ഉൾക്കൊള്ളിച്ചാണ് ആപ്പ് ഒരുക്കിയിരിക്കുന്നത്. ഗെയിംസ് ആരംഭിക്കുന്നതിന് മുമ്പ് ഒരു അത്‌ലറ്റിന് തന്റെ രേഖകൾ അപ്‌ലോഡ് ചെയ്‌തിട്ടുണ്ടോ എന്ന് എളുപ്പം പരിശോധിക്കാം. 

രജിസ്ട്രേഷന് ശേഷം, അത്‌ലറ്റിന് അവരുടെ സ്പോർട്സ് കിറ്റുകളുടെ വിതരണം സംബന്ധിച്ച വിവരങ്ങൾ, താമസിക്കേണ്ട ഹോട്ടൽ, വേദിയിലേക്കും തിരിച്ചുമുള്ള ഗതാഗത സംവിധാനങ്ങൾ, അടിയന്തര ഘട്ടങ്ങളിൽ ബന്ധപ്പെടാൻ സാധിക്കുന്ന പ്രധാനപ്പെട്ട ഫോൺ നമ്പറുകൾ എന്നിവയും ആപ്പിൽ സജ്ജീകരിച്ചിട്ടുണ്ട്. 

ഈ വാര്‍ത്ത കൂടി വായിക്കൂ 

'അമ്പയറേ, അതെങ്ങനെ നോബോള്‍ ആകും?'- കൊമ്പുകോര്‍ത്ത് പാക് താരം (വീഡിയോ)

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ