ഗുവാഹത്തി: ഇന്ത്യക്കെതിരെ മൂന്നാം ടി20യിലെ തകര്‍പ്പന്‍ ഇന്നിങ്‌സോടെ ഒരുപിടി റെക്കോഡുകളും സ്വന്തം പേരിലാക്കിയിരിക്കുകയാണ് മാക്‌സ്‌വെല്‍. 48 പന്തില്‍ സെഞ്ച്വറിയോെ പുറത്താവാതെ 104 റണ്‍സാണ് മാക്സി നേടിയത്. സ്‌കോര്‍ പിന്‍തുടരുമ്പോള്‍ ഏറ്റവും കൂടുതല്‍ സെഞ്ച്വറി നേടുന്ന താരമെന്ന നേട്ടവും മാക്‌സ്‌വെല്‍ സ്വന്തമാക്കി.

ടി20 യില്‍ സ്‌കോര്‍ പിന്തുടരുമ്പോള്‍ മാക്‌സ്‌വെല്‍ മൂന്നാമത്തെ സെഞ്ച്വറിയാണ് ഇന്നലെ നേടിയത്. രണ്ട് സെഞ്ച്വറികള്‍ നേടിയ ബാബര്‍ അസം, മുഹമ്മദ് വസീം എന്നിവരെയാണ് മാക്‌സ്‌വെല്‍ പിന്നിലാക്കിയത്.  ടി20 ക്രിക്കറ്റില്‍ ഏറ്റവും കൂടുതല്‍ സെഞ്ച്വറികള്‍ നേടിയ ഇന്ത്യന്‍ നായകന്‍ രോഹിത് ശര്‍മയ്ക്കൊപ്പം റെക്കോര്‍ഡും മാക്സ്‌വെല്‍ പങ്കിട്ടു.  

നിലവില്‍ രോഹിത്തിനും  മാക്സ്‌വെല്ലിനും നാല് സെഞ്ച്വറികള്‍ വീതമുണ്ട്. മൂന്ന് സെഞ്ച്വറികള്‍ വീതമുള്ള ബാബര്‍ അസം, സബാവൂന്‍ ഡാവിസി (ചെക് റിപ്പബ്ലിക്ക്), കോളിന്‍ മണ്‍റോ (ന്യൂസിലന്‍ഡ്), സൂര്യകുമാര്‍ യാദവ് എന്നിവരാണ് രോഹിത്തിന് പിറകില്‍. 

ഓസീസ് കുപ്പായത്തില്‍ വേഗത്തില്‍ സെഞ്ച്വറി നേടുന്ന താരങ്ങളുടെ പട്ടികയിലും  മാക്സ്വെല്‍ ഇടം നേടി. ആരോണ്‍ ഫിഞ്ച്, ജോഷ് ഇന്‍ഗ്ലിസ് എന്നി താരങ്ങള്‍ക്കൊബ്ബമാണ് മാക്‌സ്‌വെല്‍ എത്തിയത്. മൂവരും 47 പന്തിലാണ് സെഞ്ച്വറി പൂര്‍ത്തിയാക്കിയത്. ഗ്ലെന്‍ മാക്സ്‌വെല്‍ തന്നെയാണ് രണ്ടും മൂന്നും സ്ഥാനങ്ങളില്‍. 49 പന്തിലും 50 പന്തിലും താരം  സെഞ്ച്വറി പൂര്‍ത്തിയാക്കിയിട്ടുണ്ട്.

ഈ വാർത്ത കൂടി വായിക്കൂ 

വിണ്ടും മാക്‌സ്‌വെല്‍ ഷോക്ക്; തകര്‍പ്പന്‍ ഇന്നിങ്‌സില്‍ ഇന്ത്യ തകര്‍ന്നടിഞ്ഞു

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ