ഇൻഡോർ: അഫ്​ഗാനിസ്ഥാനെതിരായ രണ്ടാം ടി20 ക്രിക്കറ്റ് പോരാട്ടത്തിൽ ഇന്ത്യയെ ജയത്തിലേക്ക് നയിച്ചത് യുവ ഓപ്പണർ യശസ്വി ജയ്സ്വാളിന്റെ മികച്ച ബാറ്റിങായിരുന്നു. 34 പന്തിൽ ആറ് സിക്സും അഞ്ച് ഫോറും സഹിതം താരം 68 റൺസെടുത്തു. കളിക്കു ശേഷം മുതിർന്ന താരങ്ങളായ ക്യാപ്റ്റൻ രോ​ഹിത് ശർമ, വിരാട് കോഹ്‍ലി എന്നിവർ നൽകുന്ന പിന്തുണയെക്കുറിച്ച് താരം വാചാലനായി. ബിസിസിഐ വീഡിയോയിലാണ് താരത്തിന്റെ പ്രതികരണം. 

രോഹിതിനെ പോലെ ഒരു നായകൻ ടീമിൽ ഉണ്ടാകുന്നത് അവിശ്വസനീയ അനുഭവമാണെന്നു യശസ്വി പറയുന്നു. കോഹ്‍ലിക്കൊപ്പം കളിക്കുന്നതു ബ​ഹുമതിയാണെന്നും യുവ ഓപ്പണർ വ്യക്തമാക്കി. 

'പിച്ച് വളരെ മികച്ചതായിരുന്നു. ആസ്വദിച്ചു ബാറ്റ് ചെയ്യാൻ സാധിച്ചു. അഫ്​ഗാൻ മാന്യമായ ലക്ഷ്യമാണ് മുന്നിൽ വച്ചത്. അതിനാൽ മികച്ച തുടക്കം ടീമിനു സമ്മാനിക്കുന്നതിലും റൺസ് കണ്ടെത്തുന്നതിലുമാണ് ഞാൻ ശ്രദ്ധ പതിപ്പിച്ചത്.' 

'വിരാട് ഭയ്യക്കൊപ്പം കളിക്കുന്നത് സന്തോഷകരമായ അനുഭവമാണ്. അതൊരു ബഹുമതിയുമാണ്. ഈ വിക്കറ്റിൽ എന്ത് ഷോട്ടുകൾ കളിക്കണം, എവിടെ കളിക്കണം എന്നതെല്ലാം ഞങ്ങൾ പരസ്പരം സംസാരിച്ചാണ് ബാറ്റ് ചെയ്തത്.' 

'അദ്ദേഹത്തെ (രോഹിത്) പോലെ ഒരു നായകൻ ടീമിലുണ്ടെങ്കിൽ അതു അവിശ്വസനീയ അനുഭവമാണ്. അദ്ദേഹം നമ്മെ നിരന്തരം ശ്രദ്ധിക്കും. സ്വതന്ത്രമായി, സ്വതസിദ്ധ കളി പുറത്തെടുക്കാനാണ് രോ​​ഹിത് ആവശ്യപ്പെടാറുള്ളത്'- ജയ്സ്വാൾ വ്യക്തമാക്കി.

ഈ വാര്‍ത്ത കൂടി വായിക്കൂ

ഗ്രൗണ്ടിലേക്ക് ഓടിയെത്തി കോഹ്‌ലിയുടെ കാല് പിടിച്ചു, കെട്ടിപ്പിടിച്ചു; ആരാധകന്റെ ആവേശത്തില്‍ വട്ടം ചുറ്റി സെക്യൂരിറ്റി (വീഡിയോ)

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ