മെല്‍ബണ്‍: ഓസ്‌ട്രേലിയന്‍ ഓപ്പണ്‍ വനിതാ ഗ്രാന്‍സ്‌ലാം കീരീടം ബെലൂറസ് താരം ആരീന സബലെങ്കയ്ക്ക്. ഫൈനലില്‍ ചൈനയുടെ ചെങ് ചിന്‍വെന്നിനെ നേരിട്ടുള്ള സെറ്റുകള്‍ക്കായിരുന്നു സബലെങ്ക കീഴടക്കിയത്. സ്‌കോര്‍ 6-3, 6-2.

സബലെങ്കയുടെ തുടര്‍ച്ചായ രണ്ടാം ഗ്രാന്‍സ്‌ലാം കീരീടമാണിത്. കസഖ്സ്ഥാന്റെ എലേന റീബക്കീനയെ തോല്‍പിച്ചായിരുന്നു കഴിഞ്ഞ വര്‍ഷം സബലെങ്ക ആദ്യ കിരീടം നേടിയത്.ടൂര്‍ണമെന്റിലുടനീളം പുലര്‍ത്തിയ ആധിപത്യം ഫൈനലിലും ആവര്‍ത്തിക്കുകയായിരുന്നു സബലെങ്ക.

ആദ്യ സെറ്റിലും രണ്ടാം സെറ്റിലും അനായാസമായിരുന്നു ചൈനീസ് താരത്തിനെതിരെ സബലെങ്കയുടെ വിജയം. സബലെങ്കയുടെ കുതിപ്പിനു മുന്നില്‍ തിരിച്ചുവരാനുള്ള അവസരം പോലും ഷെങ്ങിനു ലഭിച്ചില്ല. സെമിയില്‍ യുഎസിന്റെ കൊക്കോ ഗോഫിനെ കീഴടക്കിയായിരുന്നു സബലെങ്ക ഫൈനല്‍ ഉറപ്പിച്ചത്.