കോട്ടയം: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് ഭീഷണിയുമായി ബിജെപി നേതാവ് ശോഭാ സുരേന്ദ്രന്റെ വിവാദ പ്രസംഗം. സമാധാനപരമായി മരിക്കേണ്ടെയെന്ന് ശോഭാ സുരേന്ദ്രന്‍ പ്രസംഗത്തില്‍ കോടിയേരിയോട് ചോദിച്ചു. തെക്കോട്ട് എടുക്കേണ്ടെ, പ്രായമെത്രയായി എന്നൊക്കയാണ് കോട്ടയം പൊന്‍കുന്നത്ത് നടത്തിയ ബിജെപി പൊതുയോഗത്തില്‍ ശോഭാ സുരേന്ദ്രന്‍ പ്രസംഗിച്ചത്. ഇനിയെങ്കിലും നേരാംവണ്ണം ജീവിക്കാനും ശോഭാ സുരേന്ദ്രന്‍ കോടിയേരിയെ ഉപദേശിച്ചു.
കാലമെത്രയായി ഈ കലാപരിപാടി തുടങ്ങിയിട്ട്. ഇനി കുറെ നാള്‍ ഇരുന്നും കിടന്നുമൊക്കെ ആലോചിക്കണം. കേരളത്തില്‍ മാത്രം പോരാ, രാജ്യത്തിന്റെ മറ്റിടങ്ങളിലേക്ക് യാത്ര ചെയ്യേണ്ടെയെന്നും ശോഭ ചോദിച്ചു
കേരളാ പൊലീസില്‍ മോദി ഫാന്‍സുണ്ട്. ആര്‍എസ്എസ് അനുഭാവികളായ പൊലീസുകാര്‍ പ്രധാന തസ്തികകളിലുണ്ട്. അവരില്‍ വിശ്വാസമുണ്ട്. കേരളാ പൊലീസിന് ബിജെപി മന്ത്രിമാരെ സല്യൂട്ട് ചെയ്യേണ്ടി വരുമെന്നും ശോഭാ സുരേന്ദ്രന്‍ പറഞ്ഞു.
ഇന്ത്യ ഭരിക്കുന്നത് പിണറായിയുടെ വല്യേട്ടനല്ലെന്നും സിപിഎം അക്രമം അവസാനിപ്പിക്കണമെന്നും ശോഭാ സുരേന്ദ്രന്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ