കോഴിക്കോട്: കൊച്ചിയില്‍ ആക്രമണത്തിന് ഇരയായ നടിക്കും കുടുംബത്തിനും മേല്‍ സമ്മര്‍ദ്ദവും ഭീഷണിയുമുണ്ടെന്ന് ബി.ജെ.പി നേതാവ് വി. മുരളീധരന്‍. നടി മാധ്യമങ്ങളെ കാണുന്നത് വിലക്കിയത് സത്യം പുറത്ത് വരാതിരിക്കാനാണെന്നും, നടിയും കുടുംബവും പറഞ്ഞ കാര്യങ്ങള്‍ വെളിപ്പെടുത്തുന്നില്ലെന്ന് മുരളീധരന്‍ പറഞ്ഞു. കേസന്വേഷണം വെറും പ്രഹസനം മാത്രമാണ്. കേസില്‍ യഥാര്‍ത്ഥ പ്രതി ആരാണെന്ന് മുഖ്യമന്ത്രിക്ക് അറിയാം. അതുകൊണ്ടാണ് കോസില്‍ ഗൂഡാലോചനയില്ലെന്ന് മുഖ്യമന്ത്രി പറയുന്നത്.കേസന്വേഷണം സര്‍ക്കാരിന് നിയന്ത്രണമില്ലാത്ത ഏജന്‍സിയെ ഏല്‍പ്പിക്കണം. ഒന്നുകില്‍ അന്വേഷണം കേന്ദ്ര ഏജന്‍സി അല്ലെങ്കില്‍ കോടതി നിരീക്ഷണത്തില്‍ നടത്തുകയോ വേണമെന്നും വി മുരളീധരന്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ