ന്യുഡല്‍ഹി:തെരുവ് നായ്ക്കളെ കൊല്ലുന്നത് ആവര്‍ത്തിക്കരുത് എന്ന് സുപ്രീം കോടതി. കിഴുവിലം പഞ്ചായത്ത് നായ്ക്കളെ കൊന്ന കേസിലാണ് കോടതി നിര്‍ദേശം. നായ്ക്കളെ കൊന്നതിന് പഞ്ചായത്തംഗങ്ങള്‍ മാപ്പപേക്ഷ നല്‍കി.
തെരുവ് നായ ശല്യം രൂക്ഷമായ സമയത്ത് തിരുവനന്തപുരം ആറ്റിങ്ങല്‍ കിഴുവിലം പഞ്ചായത്തിലെ നാല് അംഗങ്ങള്‍ നായക്കളെ പിടികൂടി കൊന്നിരുന്നു. 12 നായ്ക്കളെയാണ് ഇവര്‍ കൊന്നത്. ഇതുമായി ബന്ധപ്പെട്ട് വനിത പഞ്ചായത്ത് അംഗം ഉള്‍പ്പെടെ അറസ്റ്റിലായിരുന്നു.
തെരുവുനായ്ക്കളുടെ ആക്രമണത്തില്‍ കിഴുവിലം പഞ്ചായത്തിലെ കുഞ്ഞുകൃഷ്ണന്‍ എന്ന വൃദ്ധന്‍ മരിക്കാനിടയായ സംഭവത്തെ തുടര്‍ന്നായിരുന്നു പഞ്ചായത്തംഗങ്ങളുടെ നടപടി. അഖില കേരള തെരുവുനായ പീഡിത സംഘത്തിന്റെ നേതൃത്വത്തിലായിരുന്നു ഇവര്‍ തെരുനായ്ക്കളെ പിടികൂടി കൊന്നുകളഞ്ഞത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ