വലിയ സംസ്ഥാനങ്ങളായ ഉത്തര്‍പ്രദേശ്, ഗുജറാത്ത്, രാജസ്ഥാന്‍ എന്നിവയേക്കാള്‍ കൂടുതല്‍ അപകടങ്ങളാണ് കേരളത്തില്‍

കേരളത്തില്‍ റോഡ് അപകടങ്ങള്‍ ക്രമാതീതമായി കൂടുന്നുവെന്ന് ഇക്കണോമിക് സര്‍വ്വേ. 1980-81 ല്‍ 7064 റോഡ് അപകടങ്ങള്‍ മാത്രമാണ് ഉണ്ടായതെങ്കില്‍ 2015-16ല്‍ 39,137 അപകടങ്ങള്‍ കേരളത്തില്‍ ഉണ്ടായി. വലിയ സംസ്ഥാനങ്ങളായ ഉത്തര്‍പ്രദേശ്, ഗുജറാത്ത്, രാജസ്ഥാന്‍ എന്നിവിടങ്ങളില്‍ പോലും ഇത്രയും റോഡ് അപകടങ്ങള്‍ ഉണ്ടാകുന്നില്ല. 

2015-16 വര്‍ഷത്തില്‍ പ്രതിദിനം 107 റോഡ് അപകടങ്ങളാണ് കേരളത്തില്‍ ഉണ്ടായത്. കെ.എസ്.ആര്‍,ടി.സി മുഖേന സംസ്ഥാനത്ത് 1330 അപകടം ഉണ്ടായി (ദിനംപ്രതി ശരാശരി 4). സ്വകാര്യ ബസുകള്‍ മുഖേന 3303 (പ്രതിദിനം 9) അപകടവും ഉണ്ടായി. 

2015-ല്‍ 58.29 ലക്ഷം ഇരുചക്രവാഹനങ്ങളാണ് ഇവിടെ ഉണ്ടായിരുന്നതെങ്കില്‍ 2016-ല്‍ 64.72 ആയി വര്‍ദ്ധിച്ചു. 11 ശതമാനമാണു കൂടിയത്. ഇരുചക്രവാഹനങ്ങള്‍ ഉള്‍പ്പെട്ട അപകടങ്ങള്‍ 2015-ല്‍ 29,963 ആയിരുന്നെങ്കില്‍ (ദിവസവും 82 വീതം) 2016-ല്‍ 31595 ആയി കൂടി.- ദിവസം 87 വീതം. റോഡ് അപകടങ്ങളില്‍ 52 ശതമാനവും ഇരുചക്രവാഹനങ്ങള്‍ ഉള്‍പ്പെട്ടവയാണ്. 

ഒരു ലക്ഷം വാഹനങ്ങള്‍ക്ക് 385 എണ്ണം വീതം അപകടം റജിസ്റ്റര്‍ ചെയ്യപ്പെടുന്നുണ്ട്.