തിരുവനന്തപുരം: മുഖ്യമന്ത്രി പിണറായി വിജയന്റെ പ്രൈവറ്റ് സെക്രട്ടറിയായി മുതിര്‍ന്ന സിപിഎം നേതാവ് എംവി ജയരാജന്‍ ചുമതലയേല്‍ക്കും. കഴിഞ്ഞ ദിവസം ചേര്‍ന്ന സിപിഎം സംസ്ഥാന സെക്രട്ടറിയറ്റ് യോഗത്തിലാണ് ജയരാജനെ പ്രൈവറ്റ് സെക്രട്ടറിയാക്കാന്‍ തീരുമാനിച്ചത്. തിങ്കളാഴ്ച തന്നെ അദ്ദേഹം ചുമതലയേല്‍ക്കുമെന്ന് സൂചനയുണ്ട്.
നിലവില്‍ ഓഫിസര്‍ ഓണ്‍ സ്‌പെഷല്‍ ഡ്യൂട്ടിയില്‍ മുഖ്യമന്ത്രിയുടെ പ്രൈവറ്റ് സെക്രട്ടറി സ്ഥാനത്തുള്ളത് ഐടി സെക്രട്ടറിയായ എം ശിവശങ്കറാണ്. ഭരണത്തിന് വേഗതയില്ലെന്നും ഫയലുകള്‍ നീങ്ങുന്നില്ലെന്നുമുള്ള വിമര്‍ശനത്തെ തുടര്‍ന്നാണ് മുഴുവന്‍ സമയ പ്രൈവറ്റ് സെക്രട്ടറിയെ നിയമിക്കാന്‍ പാര്‍ട്ടി തീരുമാനിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ