കോട്ടയം: കെ.എം. മാണിയെ മകന്‍ ജോസ് കെ. മാണി തടവിലാക്കിവച്ചിരിക്കുകയാണെന്ന് കെ.സി. ജോസഫ് എംഎല്‍എ പറഞ്ഞു. കെ.എം. മാണിയുമായി സംസാരിക്കാന്‍പോലും ജോസ് കെ. മാണി സമ്മതിക്കാത്ത സാഹചര്യമാണുള്ളത്. ഷാജഹാനെ തടവിലാക്കിയ മകന്‍ ഔറംഗസേബിന്റെ അതേ നിലപാടാണ് ജോസ് കെ. മാണി തുടരുന്നതെന്നും കെ.സി. ജോസഫ് പറഞ്ഞു.
കോട്ടയം ജില്ലാ പഞ്ചായത്ത് പ്രസിഡന്റ് സ്ഥാനത്തേക്ക് കേരള കോണ്‍ഗ്രസ് എമ്മിലെ സക്കറിയാസ് കുതിരവേലി സിപിഎം പിന്തുണയോടെ ജയിച്ചതിനുപിന്നാലെയാണ് കോണ്‍ഗ്രസ് നേതാക്കള്‍ കോട്ടയത്ത് പത്രസമ്മേളനം വിളിച്ചുചേര്‍ത്തത്. പാതിരാവില്‍ സിപിഎമ്മുമായി അവിശുദ്ധമായ ബന്ധമുണ്ടാക്കുകയായിരുന്നു. ഇക്കാര്യത്തില്‍ കേരള കോണ്‍ഗ്രസ് എംഎല്‍എമാര്‍ നിലപാട് വ്യക്തമാക്കണമെന്നും കോണ്‍ഗ്രസ് നേതാക്കള്‍ പറഞ്ഞു. കെ.എം. മാണി ഇതിനു കൂട്ടുനിന്നത് തെറ്റായെന്നും കെ.സി. ജോസഫ് കോട്ടയത്ത് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ