തിരുവനന്തപുരം: മുഖ്യമന്ത്രി പിണറായി വിജയനെതിരെ നിയമസഭയില്‍ പ്രതിപക്ഷം അവകാശ ലംഘനത്തിന് നോട്ടീസ് നല്‍കി. മഹാരാജാസ് കോളെജില്‍ കണ്ടെത്തിയത് പണിയായുധങ്ങളാണെന്ന മുഖ്യമന്ത്രിയുടെ പരാമര്‍ശത്തിനെതിരെയാണ് അവകാശലംഘന നോട്ടീസ്.
മുഖ്യമന്ത്രി എഫ്‌ഐആറിലെ വിവരങ്ങള്‍ മറച്ചുവെച്ച് സഭയെ തെറ്റിദ്ധരിപ്പിക്കുകയായിരുന്നുവെന്ന് പ്രതിപക്ഷം ആരോപിച്ചു. മുഖ്യമന്ത്രിയുടെ നിലപാട് അന്വേഷണത്തെ പോലും ബാധിക്കുന്നുണ്ടെന്നും പ്രതിപക്ഷം ചൂണ്ടിക്കാട്ടി. ഹൈബി ഈഡന്‍, പി.ടി.തോമസ് എന്നിവരാണ് അവകാശലംഘന നോട്ടീസ് നല്‍കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ