തിരുവനന്തപുരം: തലസ്ഥാനത്ത് വീണ്ടും വനാക്രൈ റാന്‍സംവേര്‍ ആക്രമണം. തിരുവനന്തപുരം റെയില്‍വേ ഡിവിഷനിലെ ഓഫിസിലുള്ള നാല് കമ്പ്യൂട്ടറുകള്‍ക്ക് നേരെയാണ് വനാക്രൈ ആക്രമണമുണ്ടായത്. ഔദ്യോഗിക രേഖകളൊന്നും നഷ്ടപ്പെട്ടിട്ടില്ല. റെയില്‍വേ സേവനങ്ങള്‍ക്ക് തടസങ്ങള്‍ നേരിടില്ലെന്ന് റെയില്‍വ് അറിയിച്ചു.
വനാക്രൈ റാന്‍സംവേര്‍ ആക്രമണമുണ്ടായ ഉടനെത്തന്നെ കംപ്യൂട്ടറുകളുടെ ഇന്റര്‍നെറ്റ് ബന്ധം വിച്ഛേദിച്ചിരുന്നു. വനാക്രൈ ആക്രമണമുണ്ടായ കംപ്യൂട്ടറുകളില്‍ നിന്ന് വിവരങ്ങള്‍ വീണ്ടെടുക്കാനുള്ള നടപടികള്‍ സ്വീകരിക്കുമെന്ന് റെയില്‍വേ അധികൃതര്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ