തിരുവനന്തപുരം: വിവിധ ഡിവിഷനുകളില്‍ അറ്റകുറ്റപ്പണികള്‍ നടക്കുന്നതിനാല്‍ സംസ്ഥാനത്ത് ട്രെയിനുകള്‍ നവംബര്‍ ഒന്നുവരെ വൈകിയോടും. അറ്റകുറ്റപ്പണിയുടെ ഭാഗമായി ഗതാഗത നിയന്ത്രണം ഏര്‍പ്പെടുത്തിയതാണു ട്രെയിനുകള്‍ വൈകാന്‍ ഇടയാക്കുന്നതെന്നും റെയില്‍വേ അറിയിച്ചു.ഷൊര്‍ണൂര്‍ യാഡില്‍ അറ്റകുറ്റപ്പണി നടക്കുന്നതിനാല്‍ ശനിയാഴ്ച രാത്രി 11.30ന് പുറപ്പെടേണ്ട എറണാകുളംലോകമാന്യതിലക് തുരന്തോ എക്‌സ്പ്രസ് പുലര്‍ച്ചെ 2.10നാകും പുറപ്പെടുക. ഞായറാഴ്ച വൈകിട്ട് തിരുവനന്തപുരത്തു നിന്നു പുറപ്പെടുന്ന തിരുവനന്തപുരംമംഗളുരു മലബാര്‍ എക്‌സ്പ്രസ് 80 മിനിറ്റും തിരുവനന്തപുരം മംഗളുരു മാവേലി എക്‌സ്പ്രസ് 180 മിനിറ്റും വൈകി ഓടും.  ഭോപാല്‍, ഇറ്റാര്‍സി, കൊങ്കണില്‍ രത്‌നഗിരി എന്നിവിടങ്ങളില്‍ ട്രാക്ക് അറ്റകുറ്റപ്പണി നടക്കുന്നതിനാല്‍ ലോകമാന്യതിലക് തിരുവനന്തപുരം നേത്രാവതി, നിസാമുദ്ദീന്‍എറണാകുളം മംഗള എക്‌സ്പ്രസ് എന്നിവ ഒരു മണിക്കൂറോളം വൈകും.