കൊച്ചി: കലൂരില്‍ നിര്‍മ്മാണം പുരോഗമിച്ചുകൊണ്ടിരുന്ന പ്രമുഖ വ്യാപാര സ്ഥാപനത്തിന്റെ കെട്ടിടം തകര്‍ന്നുവീണു. രാത്രി പത്തുമണിയോടെയായിരുന്നു സംഭവം. രണ്ടുനില കെട്ടിടമാണ് തകര്‍ന്നുവീണത്. ആളപായമില്ലെന്നാണ് പ്രാഥമിക വിവരം. സമീപത്തുള്ള പൈപ്പ് പൊട്ടി വെള്ളം ശക്തിയായി ഒഴുകിയതാണ് അപകടത്തിന് കാരണം. കലൂര്‍ നോര്‍ത്ത് വഴിയുള്ള ഗതാഗതം നിരോധിച്ചിരിക്കുകയാണ്. മെട്രോയും സര്‍വീസ് താത്കാലികമായി നിര്‍ത്തിവെച്ചിരിക്കുകയാണ്.

ചിത്രം: ആല്‍ബിന്‍ മാത്യു
 

നിര്‍മ്മാണം പുരോഗമിച്ചുകൊണ്ടിരിക്കുന്ന പില്ലറുകളാണ് പൂര്‍ണമായും തകര്‍ന്നുവീണത്. നിര്‍മ്മാണത്തിന് ഉപയോഗിക്കുന്ന ക്രെയിനുകളും മറ്റ് യന്ത്രസജ്ജീകരണങ്ങളും ഭൂമിയില്‍ താണു. പ്രദേശത്ത് വലിയ ഗര്‍ത്തം രൂപപ്പെട്ടിരിക്കുകയാണ്. തൊട്ടടുത്തുള്ള കെട്ടിടങ്ങളില്‍ നിന്ന് ആളുകളെ ഒഴിപ്പിക്കുകയാണ്.