കൊച്ചി: വരാപ്പുഴയില്‍ കസ്റ്റഡിയില്‍ മരിച്ച ശ്രീജിത്തിന്റെ വീട് മുഖ്യമന്ത്രി പിണറായി വിജയന്‍ സന്ദര്‍ശിക്കാത്തതില്‍ അപാകതയില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. മുഖ്യമന്ത്രിക്ക് അങ്ങനെ എല്ലാ സ്ഥലങ്ങളും സന്ദര്‍ശിക്കാന്‍ ആവില്ല. മുഖ്യമന്ത്രിയുടെ യാത്രാവഴി തിരുമാനിക്കുന്നത് മറ്റ് സംവിധാനങ്ങളാണെന്നും കോടിയേരി കൊച്ചിയില്‍ പറഞ്ഞു
വരാപ്പുഴയില്‍ ഇന്ന് സിപിഎം വിളിച്ചുചേര്‍ത്ത രാഷ്ട്രീയ വിശദീകരണ യോഗത്തിനെ പ്രത്യേകമായി കാണേണ്ടതില്ലെന്നും കോടിയേരി പറഞ്ഞു. കൊച്ചിയിലുണ്ടായിട്ടും മുഖ്യമന്ത്രി ശ്രീജിത്തിന്റെ വീട്ടിലെത്താത്തതിനെതിരെ ശ്രീജിത്തിന്റെ അമ്മ ശ്യാമളയും മറ്റ് പ്രതിപക്ഷ പാര്‍ട്ടി നേതാക്കളും രംഗത്തെത്തിയിരുന്നു. കഴിഞ്ഞ ദിവസം കൊച്ചിയില്‍ ഒരു പകല്‍ മുഴുവന്‍ ഉണ്ടായിട്ടും മുഖ്യമന്ത്രി ശ്രീജിത്തിന്റെ വീട്ടിലെത്താത്തത് വലിയ പ്രതിഷേധത്തിന് ഇടയാക്കിയിരുന്നു. വരാപ്പുഴയില്‍ മുഖ്യമന്ത്രി പങ്കെടുക്കേണ്ട പരിപാടിയില്‍ വൈപ്പിന്‍ വഴി ചുറ്റിക്കറങ്ങിയാണ് പങ്കെടുത്തത്. ഇത് ശ്രീജിത്തിന്റെ വീട് സന്ദര്‍ശിക്കാനുള്ള മുഖ്യമന്ത്രിയുടെ താത്പര്യക്കുറവുകൊണ്ടാണെന്നും റിപ്പോര്‍ട്ടുകള്‍ ഉണ്ടായിരുന്നു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ