കൊല്ലം: പുത്തൂരില്‍ താറാവിന്‍കൂട്ടില്‍ നുഴഞ്ഞുകയറി 13 താറാവുകളെ കൊന്ന് അതില്‍ പകുതിയെയും അകത്താക്കിയ പെരുമ്പാമ്പിനെ വീട്ടുകാര്‍ പൂട്ടിയിട്ട് വനപാലകര്‍ക്കു കൈമാറി. കുളക്കട ആഷ്‌ന മന്‍സിലില്‍ നാസറിന്റെ വീട്ടിലാണു കഴിഞ്ഞ രാത്രിയില്‍ പെരുമ്പാമ്പെത്തിയത്. പെരുമഴയായതിനാല്‍ താറാവുകളുടെ കരച്ചില്‍ വീട്ടുകാര്‍ കേട്ടില്ല. ഇന്നലെ രാവിലെ കൂടു തുറന്നപ്പോള്‍ ചത്തുകിടക്കുന്ന താറാവുകള്‍ക്കു മേലേ പെരുമ്പാമ്പ് ചുറ്റിവളഞ്ഞു കിടക്കുന്നതാണു കണ്ടത്.
വയര്‍ അറിയാതെ ഇര വിഴുങ്ങിയതിനാല്‍ ഇഴഞ്ഞുപോകാന്‍ പറ്റാത്ത അവസ്ഥയിലായിരുന്നു പെരുമ്പാമ്പ്. വിവരമറിഞ്ഞു വനപാലകരെത്തിയാണു പാമ്പിനെ കൂട്ടില്‍നിന്നു പുറത്തെടുത്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ