കണ്ണൂർ: പ്രളയക്കെടുതിയില്‍ നിന്നും കരകയറാനുള്ള തീവ്ര ശ്രമത്തിലാണ് കേരളം. സംസ്ഥാനത്തിന് സഹായഹസ്തങ്ങള്‍ നീട്ടി ഒരുപാട് ആളുകള്‍ രംഗത്തെത്തുന്നുണ്ട്. അതിനിടെ പ്രളയക്കെടുതിയിൽ ദുരിതമനുഭവിക്കുന്നവർക്ക്​ ലക്ഷങ്ങൾ വിലമതിക്കുന്ന ഭൂമി വിട്ടുനൽകാനൊരുങ്ങി മുൻ എംപി എപി അബ്​ദുല്ലക്കുട്ടി. ത​ന്റെ ഉടമസ്​ഥതയിലുള്ള  15 സെന്റ്​ സ്​ഥലമാണ്​ പ്രളയദുരിതത്തിൽ അക​പ്പെട്ട ആയിരം പേർക്ക്​ വീട്​ നിർമിച്ചുനൽകുന്ന കെപിസിസിയുടെ ആയിരം വീട്​ പദ്ധതിയിലേക്ക്​ നൽകുന്നതിന്​ അബ്​ദുല്ലക്കുട്ടി സന്നദ്ധതയറിയിച്ചത്​.

ആയിരം വീട്​ പദ്ധതിയിലേക്ക്​ ഒാരോ മണ്ഡലം കമ്മിറ്റിയും ഒരു വീട്​ നിർമിക്കുന്നതിനുള്ള തുക സമാഹരിക്കുന്നതിന്​ കണ്ണൂർ ജില്ല കോൺഗ്രസ്​ തീരുമാനിച്ചിരുന്നു. ഇതിന്​ കരുത്തു പകരുന്ന തീരുമാനമാണ്​ അബ്​ദുല്ലക്കുട്ടിയുടേതെന്ന്​ കോൺഗ്രസ്​ നേതാക്കൾ പറഞ്ഞു.

താൻ നൽകുന്ന 15​ സെന്റ്​ സ്​ഥലത്ത്​ നാല്​ കുടുംബങ്ങൾക്കെങ്കിലും വീട്​ നിർമ്മിക്കാമെന്ന്​ അബ്​ദുല്ലക്കുട്ടി പറയുന്നു. കേരളം കണ്ട ഏറ്റവും വലിയ പ്രളയത്തിൽ ഇരയായവർക്ക്​ തന്നാൽ കഴിയുന്നത്​ ചെയ്യും. മുൻ എം.പിയെന്നനിലയിൽ ലഭിക്കുന്ന ഒരുമാസത്തെ പെൻഷനായ 25,700 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക്​ നൽകുമെന്നും അബ്​ദുല്ലക്കുട്ടി പറഞ്ഞു.