തിരുവനന്തപുരം: പ്രളയം തകര്‍ത്ത സംസ്ഥാനത്തെ പുനര്‍നിര്‍മ്മിക്കാന്‍ ധനസമാഹാരണാര്‍ത്ഥം മന്ത്രിമാര്‍ വിദേശത്തേക്ക് പോകും. ഇന്നുചേര്‍ന്ന മന്ത്രിസഭായോഗം ഇതിന് അനുമതി നല്‍കി. ലോക കേരള സഭ വഴിയാകും മന്ത്രിമാര്‍ വിദേശ രാജ്യങ്ങളില്‍ വിഭവ ലസമാഹരണം നടത്തുക. സെപ്റ്റംബര്‍ 3,5തീയതികളില്‍ ജില്ലകളില്‍ മന്ത്രിമാരുടെ നേതൃത്വത്തില്‍ ഫണ്ട് ശേഖരിക്കാനും മന്ത്രിസഭാ യോഗത്തില്‍ തീരുമാനമായി.
കേരളത്തെ പുനര്‍നിര്‍മ്മിക്കാന്‍ ഉപദേശങ്ങള്‍ക്കായി വിദേശ കണ്‍സള്‍ട്ടന്‍സിയെ നിയോഗിക്കും. കെ.പി.എം.ജെ എന്ന ഡച്ച് കമ്പനിയുമായി ഇതിന് കരാറുണ്ടാക്കാനും മന്ത്രിസഭായോഗം തീരുമാനിച്ചു
വീട്ടുപകരണങ്ങള്‍ നഷ്ടപ്പെട്ടവര്‍ക്ക് കുടുംബശ്രീ വഴി ഒരു ലക്ഷം രൂപ നല്‍കാനും ജീവനോപാധി നഷ്ടപ്പെട്ടവര്‍ക്ക് പത്തുലക്ഷം രൂപ പലിശരഹിത വായ്പ നല്‍കാനും മന്ത്രിസഭാ യോഗത്തില്‍ തീരുമാനമായി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ