കൊച്ചി: കൊച്ചി നഗരത്തിലെ ഓണ്‍ലൈന്‍ ടാക്‌സി ഡ്രൈവര്‍മാര്‍ അനിശ്ചിതകാല സമരത്തിലേക്ക്. വിവിധ ആവശ്യങ്ങള്‍ ഉന്നയിച്ചാണ് ഡ്രൈവര്‍മാര്‍ സമരത്തിന് ആഹ്വാനം ചെയ്തിരിക്കുന്നത്. ഇന്ന് അര്‍ദ്ധരാത്രി മുതല്‍ പ്രമുഖ ഓണ്‍ലൈന്‍ ടാക്‌സി സേവനദാതാക്കളായ യൂബര്‍, ഒല എന്നീ കമ്പനികളുമായി ഡ്രൈവര്‍മാര്‍ സഹകരിക്കില്ലന്ന് വ്യക്തമാക്കിയിട്ടുണ്ട്. സംയുക്ത തൊഴിലാളി സംഘടനയുടേതാണ് തീരുമാനം.
സര്‍ക്കാര്‍ നിശ്ചയിച്ച മിനിമം വേതനം ഡ്രൈവര്‍മാര്‍ക്ക് ഉറപ്പാക്കുക, ഓണ്‍ലൈന്‍ കമ്പനികള്‍ അമിത കമ്മീഷന്‍ ഈടാക്കുന്നത് അവസാനിപ്പിക്കുക തുടങ്ങിയ വിഷയങ്ങള്‍ ഉന്നയിച്ചാണ് ടാക്‌സി തൊഴിലാളികള്‍ സമരം ചെയ്യുന്നത്.
പ്രശ്‌നത്തില്‍ സര്‍ക്കാര്‍ ശാശ്വതമായ പരിഹാരമാര്‍ഗം കണ്ടെത്തുന്നതുവരെ സമരം കൂടുതല്‍ ശക്തമാക്കുമെന്ന് ഓണ്‍ലൈന്‍ ടാക്‌സി സംയുക്ത സമര സമിതി വ്യക്തമാക്കി. തങ്ങളുടെ ആവശ്യങ്ങള്‍ ഓണ്‍ലൈന്‍ ടാക്‌സി കമ്പനികള്‍ അംഗീകരിക്കുന്നില്ല എങ്കില്‍ വരും ദിവസങ്ങളില്‍ ഓണ്‍ലൈന്‍ ടാക്‌സി മേഖല പൂര്‍ണമായും സ്തംഭിപ്പിക്കുമെന്നും അവര്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ