സീറോ മലബാര്‍ സഭ ഭൂമിയിടപാടുമായി ബന്ധപ്പെട്ട എല്ലാ പശ്‌നങ്ങള്‍ ഏതാനും നാളുകള്‍ക്കുള്ളില്‍ പരിഹരിക്കപ്പെടുമെന്ന് കര്‍ദ്ദിനാള്‍ മാര്‍ ജോര്‍ജ് ആലഞ്ചേരി. താനുമായി ബന്ധപ്പെട്ട പ്രശ്‌നങ്ങള്‍ക്കും ഉടന്‍ പരിഹാരമാകുമെന്നും ക്രൈസ്തവര്‍ക്കിടയില്‍ ഭിന്നതയ്ക്ക് സ്ഥാനമില്ലെന്നും അദ്ദേഹം പറഞ്ഞു. വിവാദമുണ്ടായതിന് ശേഷമുള്ള കര്‍ദ്ദിനാള്‍ ആലഞ്ചേരിയുടെ ആദ്യ പ്രതികരണമാണിത്.
ആലഞ്ചേരിക്കെതിരേ പ്രതിഷേധം ശക്തമായിരിക്കുന്ന സാഹചര്യത്തിലാണ് പരസ്യ പ്രതികരണവുമായി അദ്ദേഹം തന്നെ രംഗത്തെത്തിയത്. ഇന്ന് വൈദികരുടേയും വിശ്വാസികളുടേയും പുതിയ സംഘടന ആലഞ്ചേരിക്ക് നേരെ രൂക്ഷ വിമര്‍ശനങ്ങളുമായി പള്ളികളില്‍ ലഘുലേഖ വിതരണം ചെയ്തിരുന്നു. കര്‍ദ്ദിനാള്‍ മാര്‍ ആലഞ്ചേരിയും രണ്ട് വൈദികരുടേയും രഹസ്യ ഇടപാടാണ് ഭൂമിവില്‍പ്പനയെന്ന് ഇതില്‍ ആരോപിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ