തിരുവനന്തപുരം: കേരളത്തില്‍ സര്‍ക്കാരിന്റെ സൗജന്യ ചികിത്സാപദ്ധതികളില്‍ നിന്നും സ്വകാര്യ ആശുപത്രികള്‍ പിന്മാറാന്‍ ഒരുങ്ങുന്നു. ചികിത്സാചെലവുമായി ബന്ധപ്പെട്ട് 100 കോടിയിലധികം രൂപ സര്‍ക്കാര്‍ കുടിശ്ശിക വരുത്തിയ പശ്ചാത്തലത്തിലാണ് സ്വകാര്യ ആശുപത്രി മാനേജ്‌മെന്റുകളുടെ നീക്കം.
പാവപ്പെട്ട രോഗികള്‍ക്ക് ഉള്‍പ്പെടെ സഹായകരമായ കാരുണ്യ, ആര്‍എസ്ബിവൈ, ഇഎസ്‌ഐ അടക്കമുളള സൗജന്യചികിത്സ പദ്ധതികളില്‍ നിന്നും പിന്മാറാനാണ് മാനേജ്‌മെന്റുകള്‍ ആലോചിക്കുന്നത്. ഏപ്രില്‍ ഒന്നു മുതല്‍ സൗജന്യചികിത്സാ പദ്ധതികള്‍ നിര്‍ത്താനാണ് മാനേജുമെന്റുകള്‍ നീക്കം ആരംഭിച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ