ദിലീപ് വിഷയത്തില്‍ അമ്മയ്‌ക്കെതിരെ ഒരു പൊതുവികാരം രൂപപ്പെട്ടിട്ടുണ്ടെന്നും ജനവികാരം ഉള്‍കൊണ്ട് അമ്മ തീരുമാനം കൈകൊള്ളണമെന്നും സാംസ്‌കാരിക മന്ത്രി എകെ ബാലന്‍. അമ്മ പ്രസിഡന്റ് മോഹന്‍ലാലുമായി നടത്തിയ കൂടികാഴ്ചയ്ക്ക് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
അമ്മയുടെ ആഭ്യന്തര കാര്യങ്ങളില്‍ അവര്‍ക്ക് തീരുമാനമെടുക്കാമെന്നും ഇത്തരം വിഷയങ്ങളില്‍ സര്‍ക്കാര്‍ ഇടപെടില്ലെന്നും മന്ത്രി പറഞ്ഞു.
ബന്ധപ്പെട്ടവരുമായി വിശദമായ ചര്‍ച്ചകള്‍ നടത്തുമെന്നും ഏകപക്ഷീയമായ തീരുമാനങ്ങള്‍ ഉണ്ടാകില്ലെന്നും ചര്‍ച്ചയ്ക്ക് ശേഷം അമ്മ പ്രസിഡന്റ് മോഹന്‍ലാല്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ