മലപ്പുറം : മലപ്പുറത്ത് പ്രായപൂര്‍ത്തിയാകാത്ത പെണ്‍കുട്ടിയെ അമ്മയുടെ കാമുകന്‍ പീഡിപ്പിച്ചു. മലപ്പുറം മഞ്ചേരിയിലാണ് സംഭവം. കുട്ടിയുടെ അമ്മയും കാമുകനും പൊലീസ് പിടിയിലായി.
ചെരണി നടുത്തൊടി നിയാസാണ് പിടിയിലായത്. പീഡനത്തിന് ഒത്താശ ചെയ്തുകൊടുത്തതിനാണ് കുട്ടിയുടെ അമ്മയെ അറസ്റ്റ് ചെയ്തത്. ഭര്‍തൃമതിയായ യുവതി കാമുകനൊപ്പം പോവുകയായിരുന്നു.
അമ്മയുടെ കാമുകനായ നിയാസ് പീഡിപ്പിച്ച വിവരം കുട്ടി അമ്മയെ അറിയിച്ചു. എന്നാല്‍ ഇക്കാര്യം പുറത്താരോടും പറയരുതെന്ന് അമ്മ വിലക്കുകയായിരുന്നു. മലപ്പുറത്ത് ഒരു ലോഡ്ജില്‍ നിന്നാണ് നിയാസിനെ പൊലീസ് പിടികൂടിയത്.
ഭര്‍തൃമതികളായ യുവതികളെ ഫോണിലൂടെ പരിചയപ്പെട്ട് ലൈംഗികമായി ചൂഷണം ചെയ്യുകയും, ഈ ദൃശ്യങ്ങള്‍ കാണിച്ച് ബ്ലാക്ക്‌മെയില്‍ ചെയ്ത് പണം തട്ടുകയുമാണ് ഇയാളുടെ പതിവെന്ന് പൊലീസ് സൂചിപ്പിച്ചു. പോക്‌സോ നിയമപ്രകാരം കുട്ടിയുടെ അമ്മയ്‌ക്കെതിരെയും, കാമുകന്‍ നിയാസിനെതിരെയും പൊലീസ് കേസെടുത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ