കൊച്ചി: എടപ്പാള്‍ തീയേറ്റര്‍ പീഡനത്തിനിരയായ പെണ്‍കുട്ടിയുടെ അമ്മയുടെ പേര് വെളിപ്പെടുത്തിയ മുഖ്യമന്ത്രി പിണറായി വിജയനെതിരെ പരാതിയുമായി യൂത്ത് കോണ്‍ഗ്രസ് നേതാവ്. യൂത്ത് കോണ്‍ഗ്രസ് സംസ്ഥാന സെക്രട്ടറി സിദ്ദിഖ് പന്താവൂരാണ് ഡിജിപിക്ക് പരാതി നല്‍കിയത്
നിയമസഭയില്‍ പ്രതിപക്ഷ നേതാവിന്റെ സബ്മിഷന് മറുപടി പറയുമ്പോഴാണ് മുഖ്യമന്ത്രി ഇരയുടെ അമ്മയുടെ പേര് പരാമര്‍ശിച്ചത്. ഇത് പോക്‌സോ നിയമപ്രകാരമുള്ള കുറ്റമാണെന്ന് കോണ്‍ഗ്രസ് നേതാവ് പരാതിയില്‍ പറയുന്നു.
എടപ്പാള്‍ തീയേറ്റര്‍ പീഡനവുമായി ബന്ധപ്പെട്ട് തീയേറ്റര്‍ ഉടമയുടെ അറസ്റ്റുമായി ബന്ധപ്പെട്ട വിഷയം പ്രതിപക്ഷ നേതാവ് സബ്മിഷനായി ഉന്നയിച്ചിരുന്നു. തീയേറ്റര്‍ പീഡനം പുറത്തുകൊണ്ടുവരാന്‍ മുന്‍കൈ എടുത്തയാളെ അറസ്റ്റ് ചെയ്ത ഉദ്യോഗസ്ഥനെതിരെ നടപടി സ്വീകരിക്കാത്തത് എന്തുകൊണ്ടാണ് എന്നായിരുന്നു പ്രതിപക്ഷ നേതാവിന്റെ ചോദ്യം
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ