കോട്ടയം: രാജ്യസഭാ തെരഞ്ഞടുപ്പില്‍ നാമനിര്‍ദേശ പത്രിക സമര്‍പ്പിച്ച എംപി ജോസ് കെ മാണിയുടെ പത്രിക തള്ളണമെന്ന് സിപിഎം. ഇത് സംബന്ധിച്ച് റിട്ടേണിംഗ് ഓഫീസര്‍ക്ക് കെ സുരേഷ് കുറുപ്പ് പരാതി നല്‍കി
ലോക്‌സഭാ അംഗത്വം രാജിവെക്കാതെയാണ് ജോസ് കെ മാണി പത്രിക നല്‍കിയതെന്നാണ് പരാതിയിലുള്ളത്. ഇത് ഇരട്ടപ്പദവിയുടെ പരിധിയില്‍ വരുമെന്നും പരാതിയില്‍ പറയുന്നു. ഇന്നാണ് നാമനിര്‍ദേശ പത്രികാ പരിശോധനാ.
ഒഴിവുവന്ന മൂന്ന് സീറ്റുകളിലേക്കാണ് തെരഞ്ഞടുപ്പ് നടക്കുന്നത്. രണ്ട് സീറ്റില്‍ എല്‍ഡിഎഫും ഒരു സീറ്റില്‍ യുഡിഎഫുമാണ് മത്സരിക്കുന്നത്. എളമരം കരീമും ബിനോയ് വിശ്വവുമാണ് എല്‍ഡിഎഫ് സ്ഥാനാര്‍ത്ഥികള്‍. ജോസ് കെ മാണിയാണ് യുഡിഎഫ് സ്ഥാനാര്‍ത്ഥി. മൂന്ന് ഒഴിവുകളിലേക്ക് മൂന്ന് സ്ഥാനാര്‍ത്ഥികള്‍ ആയതിനാല്‍ വോട്ടെടുപ്പിന് സാധ്യതയില്ല
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ