കഴിഞ്ഞ ദിവസങ്ങളില്‍ വാട്ട്‌സ്ആപ്പിലും ഫേയ്‌സ്ബുക്കിലും പമ്പാ നദിയില്‍ നിന്ന് പിടിച്ച മുതലകുഞ്ഞിന്റെ ചിത്രം  വ്യാപകമായി പ്രചരിപ്പിക്കപ്പെട്ടിരുന്നു. എന്നാല്‍ ഇത് വ്യാജ വാര്‍ത്തയാണെന്നും ഇങ്ങനെയൊരു സംഭവം നടന്നിട്ടില്ലെന്നും വ്യക്തമാക്കിക്കൊണ്ട് നാട്ടുകാര്‍ ത്‌ന്നെ രംഗത്തെത്തിയിരിക്കുകയാണ്. കഴിഞ്ഞ ദിവസമാണ് കാവാലം കുന്നുമ്മ ക്ഷേത്രത്തിന് സമീപം നദിയില്‍ നിന്ന് മുതലക്കുഞ്ഞിനെ പിടികൂടി എന്ന വാര്‍ത്ത വന്നത്. പമ്പയില്‍ ഇറങ്ങുന്നവര്‍ സൂക്ഷിക്കണം എന്നു പറഞ്ഞായിരുന്നു പ്രചരണം. 

ഇതോടെ ആശങ്കയിലായ നാട്ടുകാര്‍ നദീ തീരത്ത് തിരച്ചില്‍ നടത്തി. സത്യം അറിയാന്‍ നാട്ടുകാര്‍ നെട്ടോട്ടമായി. അവസാനമാണ് വാര്‍ത്ത വ്യാജമാണെന്ന് മനസിലാകുന്നത്. നാട്ടുകാരുടെ അന്വേഷണത്തില്‍ റബ്ബര്‍ കൊണ്ടുള്ള മുതലക്കുഞ്ഞിന്റെ രൂപം ഉപയോഗിച്ച് ചില സാമൂഹ്യ വിരുദ്ധര്‍ നടത്തിയ പ്രചരണമാണെന്ന് മനസ്സിലായി. വാര്‍ത്ത പ്രചരിപ്പിച്ചവര്‍ക്കെതിരെ കേസ് എടുക്കണമെന്നാണ് നാട്ടുകാരുടെ ആവശ്യം.