ആലപ്പുഴ: ചെങ്ങന്നൂര്‍ ഉപതെരഞ്ഞെടുപ്പില്‍ പിന്തുന്ന തേടി യുഡിഎഫ് സ്ഥാനാര്‍ത്ഥി ഡി വിജയകുമാര്‍ കെഎം മാണിയുമായി കൂടിക്കാഴ്ച്ച നടത്തി. പിന്തുണ സംമ്പന്ധിച്ച കാര്യങ്ങള്‍ പാര്‍ട്ടിയാണ് തീരുമാനിക്കുന്നതെന്ന് വ്യക്തമാക്കിയ കെഎം മാണി വിജയകുമാറിന് വിജയാശംസകള്‍ നേര്‍ന്നു. പിന്തുണ ലഭിക്കുമെന്ന പ്രതീക്ഷയാണുള്ളതെന്ന് വിജയകുമാറും പറഞ്ഞു.
ബുധനാഴ്ച രാവിലെ കെഎം മാണിയുടെ പാലായിലെ വീട്ടിലെത്തിയാണ് ഡി വിജയകുമാര്‍ പിന്തുണ തേടിയത്. പത്ത് മിനിട്ട് നീണ്ട കൂടി കാഴ്ച്ചയ്ക്ക് ശേഷം ഇരുവരും മാധ്യമങ്ങളോട് പ്രതികരിച്ചു. സ്ഥാനാര്‍ത്ഥി എന്ന നിലയില്‍ വിജയകുമാറിന് വിജയാശംസ നേരുന്നുവെന്നും പിന്തുണ സംബന്ധിച്ച് തീരുമാനം എടുക്കേണ്ടത് പാര്‍ട്ടിയാണെന്നും കെഎം മാണി വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ