കൊച്ചി : ബിജെപി നേതൃത്വത്തിനെതിരെ കടുത്ത വിമർശനവുമായി എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. ബിഡിജെഎസിന് ഇനി എന്ത്തന്നെ കിട്ടിയാലും അവഗണനയുടെ മുറിവ് ഉണങ്ങില്ല. കഴിഞ്ഞ തെരഞ്ഞെടുപ്പില്‍ ബിജെപി നേട്ടമുണ്ടാക്കിയത് ബിഡിജെഎസിന്റെ വോട്ട് കൊണ്ടാണെന്നും വെള്ളാപ്പള്ളി പറഞ്ഞു.
എന്‍ഡിഎ സംവിധാനം കേരളത്തില്‍ ഉണ്ടോ എന്ന് സംശയമാണ്. കേരളത്തില്‍ ദേശീയ ജനാധിപത്യസഖ്യം ഏറ്റവും ദയനീയാവസ്ഥയിലാണ്. ബിജെപി നേതൃത്വമാണ് ഇതിന് കാരണം. കഴിഞ്ഞ തെരഞ്ഞെടുപ്പില്‍ ബിജെപി നേട്ടമുണ്ടാക്കിയെങ്കില്‍ അത് എങ്ങനെയെന്ന് പറയാന്‍ അവര്‍ തയ്യാറായിട്ടില്ല.
മുന്നണിയിൽ ഘടകകക്ഷികള്‍ക്കെല്ലാം അവഗണന മാത്രമാണ് കിട്ടുന്നത്. ബിഡിജെഎസിന്റെ അണികളെല്ലാം നിരാശയിലാണ്. എന്‍ഡിഎ സംവിധാനം ചെങ്ങന്നൂര്‍ ഉപതെരഞ്ഞെടുപ്പില്‍ ഫലപ്രദമാകില്ലെന്നും വെള്ളാപ്പള്ളി നടേശൻ അഭിപ്രായപ്പെട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ