ബംഗളുരൂ: കര്‍ണാടകയില്‍ ജനതാദള്‍ പിന്തുണയോടെ കോണ്‍ഗ്രസ് സര്‍ക്കാര്‍ രൂപികരിക്കണമെന്ന് മുഖ്യമന്ത്രി പിണറായി വിജയന്‍. നേരത്തെ ബിജെപിയെ അധികാരത്തില്‍ നിന്നും അകറ്റുന്നതിനായി ജനതാദള്‍ എസുമായി സഹകരിച്ച് തെരഞ്ഞടുപ്പിനെ നേരിടണമെന്നായിരുന്നു ബംഗാള്‍ മുഖ്യമന്ത്രി മമതയുടെ പ്രതികരണം. ഇതിന് പിന്നാലെയാണ് പിണറായി വിജയന്‍ പ്രതികരണം.
ബിജെപിക്ക് കേവല ഭൂരിപക്ഷം ലഭിക്കാത്ത സാഹചര്യത്തില്‍ കോണ്‍ഗ്രസ് സര്‍ക്കാര്‍ രൂപികരിക്കാനുള്ള നീക്കം തുടങ്ങി. കെസി വേണുഗോപാലും ഗുലാം നബി ആസാദ് ജെഡിഎസ് നേതാക്കളുമായി ആശയവിനിമയം തുടരുകയാണ്. അതേസമയം തെരഞ്ഞടുപ്പ് ഫലം പൂര്‍ണമായി വന്ന ശേഷം പ്രതികരിക്കാമെന്നാണ് ജെഡിഎസ് നേതാവ് ദേവഗൗഡയുടെ പ്രതികരണം. കുമാരസ്വാമിയെ മുഖ്യമന്ത്രിയാക്കി ബിജെപി അധികാരത്തില്‍ നിന്നും മാറ്റി നിര്‍ത്താനാണ് കോണ്‍ഗ്രസിന്റെ അവസാനവട്ടം ശ്രമം
106 സീറ്റ് നേടി ബിജെപിയാണ് സംസ്ഥാനത്തെ വലിയ ഒറ്റകക്ഷി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ