തിരുവനന്തപുരം: മന്ത്രി വി എസ് സുനില്‍കുമാര്‍ ഉള്‍പ്പെടെ നാലുപേരെ ഒഴിവാക്കി സിപിഐ സംസ്ഥാന എക്‌സിക്യൂട്ടീവ് രൂപവത്കരിച്ചു. ഇസ്മായില്‍ പക്ഷക്കാരായി അറിയപ്പെടുന്നവരാണ് ഒഴിവായ നാലുപേരും. പകരമെത്തിയവരെല്ലാം ഔദ്യോഗിക പക്ഷക്കാരും. കെ പ്രകാശ് ബാബുവും സത്യന്‍ മൊകേരിയും സംസ്ഥാന സെക്രട്ടറിമാരായി തുടരും. കെ ആര്‍ ചന്ദ്രമോഹനാണ് ഖജാന്‍ജി.
ദേശീയ കൗണ്‍സിലില്‍ നിന്ന് ഒഴിവാക്കപ്പെട്ട മുതിര്‍ന്ന നേതാക്കളായ സി ദിവാകരനെയും സി എന്‍ ചന്ദ്രനെയും എക്‌സിക്യൂട്ടീവില്‍ നിലനിര്‍ത്തി.കെ ഇസ്മായില്‍ പക്ഷത്തെ പ്രമുഖനായ ചന്ദ്രനും കാനം വിരുദ്ധ പക്ഷത്തുളള ദിവാകരനും ദേശീയ കൗണ്‍സിലില്‍ നിന്നും ഒഴിവാക്കപ്പെട്ടത് വിവാദമായിരുന്നു.
സുനില്‍കുമാറിന് പുറമേ കമല സദാനന്ദന്‍, പി കെ കൃഷ്ണന്‍, വി ബി ബിനു എന്നിവരാണ് ഒഴിവാക്കപ്പെട്ടത്. മന്ത്രിപദവും, എക്‌സിക്യൂട്ടീവില്‍ മൂന്ന് ടേം പിന്നിട്ടതുമാണ് സുനില്‍കുമാറിനെ നീക്കാന്‍ കാരണമെന്നാണ് ഔദ്യോഗിക വിശദീകരണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ