കൊച്ചി: ശബരിമലയില്‍ സ്ത്രീ പ്രവേശനം അനുവദിച്ചസുപ്രം കോടതി ഉത്തരവില്‍ പ്രതിഷേധിച്ച് ആത്മഹത്യാ ഭീഷണി മുഴക്കിയ അന്താരാഷ്ട്ര ഹിന്ദു പരിഷത്ത് നേതാവ് അറസ്റ്റില്‍. ഹൈക്കോടതിയുടെ സമീപം ബസ്സിറങ്ങിയ ശ്രീരാജിനെപൊലീസ് കസ്റ്റഡിയില്‍ എടുക്കുകയായിരുന്നു. ഹൈക്കോടതിക്ക് സമീപം ആത്മഹത്യചെയ്യുമെന്നായിരുന്നു യുവാവിന്റെ ഭീഷണി.
ആത്മഹത്യാ ഭീഷണി മുഴക്കിയ സാഹചര്യത്തില്‍ ഹൈക്കോടതിക്ക് സമീപം ഫയര്‍ഫോഴ്‌സ് ഉള്‍പ്പെടെ വലിയ സന്നാഹം ഒരുക്കിയിരുന്നു. കസ്റ്റഡിയിലെടുത്തതിന് പിന്നാലെ എറണാകുളം ജനറല്‍ ആശുപത്രിയില്‍ വൈദ്യപരിശോധനയ്ക്ക് വിധേയമാക്കിയതിന് ശേഷം പൊലീസ് സ്റ്റേഷനിലേക്ക് മാറ്റി.
പൊലീസ് കസ്റ്റഡിയിലെടുത്തതിന് പിന്നാലെ കോടതി ഉത്തരവിനെതിരെ ശ്രീരാജ് മുദ്രാവാക്യം വിളിച്ചു.കോടതി വിധി അംഗീകരിക്കാനാകില്ലെന്ന് വിളിച്ചുപറഞ്ഞ യുവാവ് തന്റെ പ്രതിഷേധം ഭരണകൂടവും നീതിപീഠവും കാണണം. ഒരു ഹിന്ദുവെന്ന നിലയില്‍ തന്റെ പ്രതികരണമാണെന്നും തന്റെ പോരാട്ടം തുടരുമെന്നും യുവാവ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ