തിരുവനന്തപുരം: കേരളത്തിലെത്തിയ അഞ്ചംഗ റോഹിങ്ക്യന്‍ കുടുംബത്തെ വിഴിഞ്ഞം പൊലീസ് കസ്റ്റഡിയിലെടുത്തു. ഹൈദരാബാദില്‍ നിന്ന്‌ ട്രെയിനിലെത്തിയ സംഘത്തെയാണ് പൊലീസ് കസ്റ്റഡിയിലെടുത്തത്. റോഹിങ്ക്യന്‍ അഭയാര്‍ത്ഥികള്‍ കൂട്ടത്തോടെ കേരളത്തിലെത്തുമെന്ന റയില്‍വെ സുരക്ഷാ സേനയുയുടെ മുന്നറിയിപ്പ് ലഭിച്ചതിന്റെ പശ്ചാതലത്തിലാണ് ഇവരെ കസ്റ്റഡിയിലെടുത്ത് ചോദ്യം ചെയ്യുന്നത്. തൊഴില്‍ തേടി വന്നരാണ് എന്നാണ് ഇവര്‍ വ്യക്തമാക്കിയിരിക്കുന്നത്. കേരളത്തിലേക്കുള്ള റോഹിങ്ക്യന്‍ അഭയാര്‍ത്ഥികളുടെ പലായനത്തെക്കുറിച്ച് കേന്ദ്ര രഹസ്യാന്വേഷണ വിഭാഗം അന്വേഷണം ആരംഭിച്ചിട്ടുണ്ട്. 

ഇന്നലെ ഹൈദരാബാദില്‍ നിന്ന് തിരുവനന്തപുരത്തെത്തിയ ഇവര്‍ ഇന്ന് രാവിലെ ഓട്ടോയില്‍ വിഴിഞ്ഞത്തെത്തിയെന്നാണ് വിവരം. ഇവര്‍ക്കൊപ്പം രണ്ടു കുഞ്ഞുങ്ങളുമുണ്ട്. ജോലി തേടിയെത്തിയതാണ് എന്നാണ് ഇവര്‍ വെളിപ്പെടുത്തിയിരിക്കുന്നത്. ആയിരക്കണക്കിന് അഭയാര്‍ത്ഥികള്‍ കുടുംബസമേതം കേരളത്തിലേക്കെത്തുന്നു എന്നായിരുന്നു റയില്‍വെസംരക്ഷണ സേനയുടെ മുന്നറിയിപ്പ്.