കോട്ടയം: ആര്‍ത്തവം അശുദ്ധിയാണെങ്കില്‍ ഇനിമേലില്‍ ഭക്തന്‍മാര്‍ ആര്‍ത്തവമുള്ള സ്ത്രീയെ വിവാഹം കഴിക്കില്ലെന്ന തീരുമാനം എടുക്കണമെന്ന് എഴുത്തുകാരിയും അധ്യാപികയുമായ ശാരദക്കുട്ടി. ഫേസ്ബുക്ക് പോസ്റ്റിലാണ് അവര്‍ ഇക്കാര്യം വ്യക്തമാക്കിയത്.
'ആര്‍ത്തവം അശുദ്ധിയാണെങ്കില്‍ ഇങ്ങനെ ആജീവനാന്തം മലിനമനസ്സുമായി അതേക്കുറിച്ചു പുളിച്ചു തേട്ടുന്ന ചര്‍ച്ച നടത്തിക്കൊണ്ടിരിക്കുകയല്ല വേണ്ടത്. ഇനി മേലില്‍ ഒരൊറ്റ ഭക്തനും ആര്‍ത്തവമുള്ള സ്ത്രീയെ വിവാഹം കഴിക്കില്ല എന്ന അന്തസ്സോടെ തീരുമാനമെടുക്കുകയാണ് വേണ്ടത്. എന്താ നടപ്പാക്കുമോ?'
ശബരിമലയില്‍ പ്രവേശിക്കുന്നതിന് 41 ദിവസത്തെ വ്രതം അനുഷ്ഠിക്കണമെന്നും ആര്‍ത്തവമുള്ളതിനാല്‍ സ്ത്രീകള്‍ക്ക് വ്രതം പൂര്‍ത്തിയാക്കാന്‍ സാധിക്കുകയില്ലെന്നുമുള്ള വാദങ്ങള്‍ ഉയര്‍ന്നിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ